Iqqar dda Slima Σazem: Zzux zzux d lmecmel
Ttalasen deg-s akk leğnas
Γer medden meṛṛa ishel
Menwala ad izux ayla-s
Zzux d lhedṛa baṭel
Ulac fell-as lexlas.
Ad tafeḍ yiwen ikseb iεemmuṛen n cci, maca yiwen ur isel, wayeḍ ma ikseb awtul ad yaweḍ lexbaṛ ula d uccen.
Γef wayagi ttawin-d leqbayel yiwet n tmacahutt dγa d tagi.
Di tezgi iγli-d yiḍ meṛṛa iγersiwen kecmen ifran nsen i wakken ad staεfun si laεtab n wass, iγid neγ aqelwac ara isbaεbuε ittemḍaγa s teγzi n ugeṛjuj-is armi lğiran-is meṛṛa iḥeṛṛem-iten di tnafa, iruḥ-d γur-s uḥelluf inna-as: -Annaγ ay aqelwac ur aγ-teğğiḍ ara a ngen, d lxiṛ kan?
Aqelwac: -D lxiṛ kan ay aḥelluf d taγaḍt (meḥsub tameṭṭut-is) id-yurwen aql-i ferḥeγ la cennuγ.
Aḥelluf : -Acḥal i d-turew ma ulac uγγilif ?
Aqelwac: -Sin yiγiden Llah ibarrek.
Aḥelluf: -Sin i d-turew thebleḍ akk tizgi ?
Dγa aḥelluf iṭṭef-d aqelwac seg učamar-is inna-as: – Ṛwaḥ ad twaliḍ tileft (taḥelluft) acḥal i d-turew.
Iwwi-t γer usgun n tileft yufa-n aṭṭas n yilfan imecṭaḥ, ifqe&epsilon,; inna-as uḥelluf:
-Twalaḍ acḥal i nurew, ulac win iγ-d-islan, keččinni sin yiγiden tesguğğeḍ fell-aγ tanafa.
Yuγal-d uqelwac isusem.
Yahia Yanes