Labaεda imi stenyant 08 n tudrin n tγiwant n Wizgan yiwen n wulγu ass n 19 unbir n useggas yezrin 2011, anda i sutren deg yemdanen i itetten crab d lbira s zdat n tẓegwa a d -ggen tilas imman-nsen, acku imdanen-agi anda yufan ḍeggren tiqerεetin, rran tizegwa akk d yibardan d iḍuman, rnu sluγen atas tawennaḍt. Ulγu-agi stenyant-tt 8 n tudrin, At Wizgan, Iγil n Tizi-Bba, Tazrout, Ikussa, At Sεid, Ibekkaren, Ibuyisfen akk d At Yikken, ṭṭfen taγtast (décision) ger-asen akken a d-sudsen taεessast n yal ass xarṣum wid yesεan tiẓegwa γer yiri n yibardan n ukarus icuden ger wassif usardun, taγiwant n Wizgan, akk d webrid n uzaγar.
Deg wulγu, i d-fkkant 08 n tudrin-agi i Weγmis n yimaziγen, sḥasfent aṭas γef kra n yelmeẓyen yessufuγen timdukal-nsen γer tẓegwa-agi anda i ttruẓun lḥerma, rnu wiyiḍ rran tiẓegwa d iḍuman, fkkan tawaγit i twenaḍt. » Nesutur deg yemdanen-agi i yarẓan tiseγlit n lḥerma n tẓegwa-nne&gamma,; akken a d-ggen tilas imman-nsen, a d-yuγal zzerb n lḥerma, ma wlac yal yiwen d amassay γef uqaruy-is » i d-nnan daγen deg ulγu-agi.
Ula d aselway n tγiwant n Wizgan n tallit-ni yessufeγ-d yiwen n wulγu ass n 06 dujembir 2011, anda yesuter deg yimezdaγ n temnaḍt n Wizgan d yemsebriden akken a d-qadren leqrar n wulγu n 08 n tudrin-agi, ma yella win yerẓan aṣaḍuf-agi ad-tqablen s webrid n teγdemt.
Maca liḥala n twenaḍt d-tin i mazal tettidir uguren meqṛen deg ussan-a yezrin deg webrid n uzaγar n temnaḍt n Wizgan, imi amḍiq udeggar n iḍuman ur yettwexdem ara akken iwata lḥal neγ akken i d-yeqqar lqanun, dγa yegla-d s lemḍarat meqren i twenaḍt, imi agelmim swayes swayen ifellaḥen i d-yezgan s ddaw iḍuman-agi yesluγ-it u dayen i ihelken tibḥirin xarṣum tjjur uzemmur, akken daγen aγbel-agi uḍegar iḍuman yegla-d s lemḍara meqqren imi muten azal n 200 igelfan n tzizwa.
Dγa imezdaγ n tudrin n tγiwant n Wizgan suture deg yemḍebren taεna temsalt akken a d-ggren imman-nsen γef zik lḥal i tifrat n wugur-agi xaṛṣum deg tallit-agi n lqeḍ uzemmur .
Islam Bessaci