Ccetkayen inelmaden yeqqaren di tseddawit tameynut Tameda, i d-yezgan di tmazya n Wagennun, I ibaɛden ɣef lwilaya n Tizi wezu s wazal n 22 ikilumitren, lexṣas n ttawilat n usiweḍ ɣer tseddawit-agi, ladɣa tiṣebḥiyin akked d tmeddiyin mi ara d- uɣalen ineggura-agi s ixxamen-nsen, aya yeǧǧa inalmaden ad ssawḍen taluft-nsen ɣer yemḍebren taɛna temsalt aṭas n iberdan , maca ɛlaḥsab nsen ur d-yelli kra n uneḥarrak i ferru n uɣbel-agi i d-yellan deffir n iɛewiqqen niḍen yettwacidden ɣer tɣuri n yal anelmad imi yal yiwen ansi d-yettawi abrid iwakken ad d-yaweḍ ɣer tseddawit-agi, maca lexṣas n ttawil-agi n uṣiweḍ yettaǧa-ten ur d tt-laḥaqen ara di lawan ɣer tmsirin yettwaɛyenen i tṣebḥiyin, ɣef ugur-agi yenna-d yiwen gar inelmaden agi d akken aɣebel n uṣiweḍ ɣer tseddawit n tamda simal la yettzad seg ass ɣer wayeḍ ladɣa deg ussan n tsuddest , anda ttuɣalen ineggura- agi di tmara n usexdem n lekiran yettawin ɣer tɣiwant n Friḥa imi ttɛeddayent si Tamda, maca anect-a ur igi ara tilas i uεeṭel id -yettilin di yal tikkelt ama iwaggaḍ ɣer temsirin neɣ ɣer ikayaden-nsen, arnu ɣer waya lmeṣruf n zyada i ittilin d taεkemt ɣef imawlan , inelmaden i d-yessbegnen leɣiḍ-nsen ɣef liḥala yagi deg ttidiren jebden-d lwelha ɣer uɣbel niḍen i d-ttmagaren di ttawilat n uṣiweḍ yettawin ɣer tseddawit-agi i d-ibanen mebεed mi txus tεessast d useḥres ɣef walluy ɣer lekiran-agi anda d-ggaren iman-nsen wi-d ur nesεi ara assaɣ akked d tseddawit iwakken ad sxedmen allal-agi i d-yettwanfken i yinlmaden, i tikli-nsen n yal ass ɣer temnaḍt-agi iwakken ur txelliṣen ara, s ssebba-agi yettaf-d iman-is unelmad di tmara n uqelleb ɣef ttawil niḍen akken ad yaweḍ di lawan ɣer tmesirin-is, ɣef ssebba n iɣeblan -agi yeṭuqten ɣef εrur n yinelmaden gren-d tiɣri i usεejel n tiftat ara yerren lḥed i taluft-nsen.
Malika Kebaili