Qqaṛṛen illa yiwen n umcic akken kan ibda itturar d ameẓyan, imlal-d d uγerda d tanudda-s neγ d tizya-s, tturaren deg wakken mi myeεjaben si ṣṣbeḥ ar tmeddit.
Inna-as umcic:-Ihi i mi nemsefham, azekka a nemlil a nurar daγen am wass-a yak?
Aγerda irra-as:-Ih azekka taṣebḥit a nemlil.
Mi ikcem uγerda s axxam-nsen, inṭeq baba-s γur-s:-Anida teddiḍ si ṣṣbeḥ ar tura?
Aγerda:-Annaγ a baba lliγ tturareγ d yiwen umedakwel-iw amzun-it.
Baba-s:-Isem-is umedakel-agi inek?
Aγerda:-Isem-is ah…amcic.
Dγa baba-s tbeddel ṣṣifa-s:-Annaγ a k-ixdaε Ṛebbi qṛib temeččeḍ ur ẓriγ.
Yemma-s texlaε akken nniḍen:-Yak a mmi imcac d iεdawen nneγ ur aγ-ḥemmlen ara i tdukli, lemmer aγ-ṭṭfen aγ-ččen.
Aγerda:-Semmeḥ-iyi a baba, semmeḥ-iyi a yemma, dayen ur εawdeγ ad uγale&gamma,; cwi kan selkeγ.
Si tama-nniḍen amcic mi iwweḍ γer uxxam-nsen, isteqsa-t baba-s:-Anida teddiḍ si ṣṣbeḥ ay amcic a mmi?
Amcic:-A baba lliγ zehhuγ d yiwen uḥbib-iw.
Baba-s:-Isem-is uḥbib-ik?
Amcic:-Isem-is ah…aγerda.
Dγa tsuγ yemma-s wala baba-s:-Anwa anwa?
Amcic:-Aγerda ayγer? Acimi?
Baba-s:-Annaγ ay ameslub lemmer teḥriceḍ ad t-id-teṭṭfeḍ i wakken a t-nečč, yak iγerdayen d ikeryen nneγ.
Amcic:-Semmeḥ-iyi a baba nekk d amecṭuḥ ur ssineγ ara, maca azekka a d-yuγal i wakken ad yurar yid-i ad t-id-ṭṭfeγ a t-nečč.
Azekka-nni tafejrit, amcic iqsed aγerda s axxam, isawel-as:-Ay aγerda, ay aγerda.
Aγerda:-Anwa akka? Acu tebγiḍ?
Amcic:-Nekk d aḥbib-ik, ffeγ-d a nurar?
Aγerda:-Ala ur tturareγ ara.
Amcic:-Acimi?
Aγerda:-Ayen i k-inna baba-k laεca, inna-yi-t ula d nekk baba.
Yahia Yanes