Tafukt n wass n lǧemɛa yezrin, d udfel yedlen tiqucac n Tikjda fkan tagnit i Sidi Valentin iwakken ad iger irebbi-s i yimdanen d-yusan s ṭṭaqa ad sɛeddin tameɣra n yimeɛcaq. Tayri, tesberber am yiṭij ɣef tmurt deg tɣaltin-a n Tikjda. Tikersin, ččurent abrid almi ur yeshil ara ad yaf umdan anda ara yesgunfu. Si Lezzayer tamaneɣt, Boumerdès, Lburǧ, Tizi Ouzou, abrid akk ileɣɣu d lɣaci, tiwaculin d yigerdan. Ulac taxlift yexlan, ulac liseɛ deg yiberdan, tayri tetteddu ɣef yiḍarren-is, nettwali-tt deg wudmawen n yimerza d yimẓura. Ama d wid i d-yusan s yigerdan neɣ mebla, ass yettban-asen-d gezzil, imi urar deg udfel, d umbeddel n kra n tkurtin yenernay di tumert. Kra seg widak i d-nmuger ur zmiren ad fren lferḥ-nsen, qqaren-d : « Awidukan ad nidir akka di lferḥ s ddaw leɛnaya n Sidi Valentin ! »
S. M.