Yetturaǧu di taggara n waggur-agi n meɣres ad ifak ustensex n yizmamen yerzan tiferkiyin yemxallafen i tetteḥwiji twacult di teɣiwant n Tizi wezzu, aya ɣef leḥsab n yisali iɣ-id-yuwḍen seg wid ixedmen dina, id-iqqaren d akken ar tura ssawḍen yimḍebbren n tɣiwant ad d- stensexen azal n 435 alef n tferkiyin yerzan tiwaculin n tmazya n Tizi Wezzu. Asurif-agi i t-ger tɣiwant yetturaǧu seg-s ad d-yer tilas i uεeîîel i d-yettilin i usuffeɣ ama d tiferkiyin n leεmer neɣ t-i d –yerzan tamezduɣt d wayen niḍen, imi ineggura-agi ttidiren yiwen n uɣbel d ameqqran s sebba n uεîîel i d-yettilin deg usuffeɣ n wayen ibeɣan ladɣa taferkit n leεmer uîun 12, anda d-ttafen yimzdaɣ n Tizi iman-nsen, ilaq ad reǧun azal n ddurt s lekmal-is i wakken ad d- yeffeɣ yiccer-agi n lekaɣeḍ, tikwal ɣef sebba n wanct-a yettili-d imenɣi ger ixeddamen akked yimezdaɣ ayen yettaǧǧan iɣallen n laman zgan dina iferru n tmesal icban tigi , maca sya ɣer taggara n waggur- agi ad ifakk leḥif ɣef yimdanen i d-irezzun ɣer tɣiwant n Tizi Wezzu, am akken daɣen ad tifsus taεkemt ɣef ixeddamen mi ara yekcem tawil n lanfurmatiq ɣer umḍiq-agi n uxeddim.
Malika Kebaili