Weεli: (yeṭṭal di ṭṭaq) d tidet ur d ban ara lqaεa …ṭill…d agejdur…d lewhayem! Ṭill.. Aha-k i yetri ina ad as t-iniḍ d lqaεa! Teẓriḍ akken i yuɣ yerna meqqer…yugar akk kra i aɣ-d-yezzin deg amtiwegen (kawakib)…ad as t-iniḍ d agur deg tagara-s …mačči d agur s timmad-is…a d lqaε-nneγ…ih d lqaεa …atan ugaraw (Lmuḥiṭ) elhadi…Hatt asiya! D lewhayem d ayen ur iqebbel wallaɣ…ttwaliɣ lqaεa ad as t-iniḍ s lkaɣeḍ azuran i tettwarwes tres DI MUSÉ n LĞUΓRAFIYA Takurt yetfeğğigen, ixemten deg yiwen wemkan …akka inexmet akka nekkni iyyaɣ wali
Ʃli: (iruḥ ɣur-s) d tidet…ttihin i d lqaεa-nneɣ
Weεli: (iwexxer-d i ṭṭaq) ih! Lqaεa-nneɣ!
Ʃli: D nettat s timmad-is
Weεli: d ayen i yellan
Ʃli: (iwexxer i ṭṭaq) d acu i d qesdeḍ?
Weεli: dayen ɣur d tettaraḍ ara, haqel-aɣ daxel n texxamt d timdewwert ad as t-iniḍ ur tettḥerrik ara, nettxezzir tiḍwiqin timecṭuḥin, nettnezih tagnawt taṭelmust s yetran yuγen am teftilin d lqaεa yezzin am tkurt yersen di LMATHAF n lğurrafiya daya!!
Ʃli: D acu i tettɣileḍ ihi! Neɣ ad twaliḍ ayen tettwaliḍ imi ara tedduḍ di tmacint?
Weεli: ttmeslayeɣ-ak-d af uḥussu-w, d lḥebs amecṭuḥ
Ʃli: Ih! Lammer ur tettwahiya ara akken iwata, arnin ur aɣ skiren ara imi i aɣ-d serḥen wammag ad twaliḍ d acu ara yeḍrun yid-neɣ
Weεli: Ur tḥusseḍ ara s wemgired, D tidet d lḥebs amaynut…zzin-aɣ-d iɣerban, akka i tella teḍwiqt-nni ula din!
Ʃli: Da meqqar ur nettgani ara melmi ara ɣ-d ssiwlen ar tmenɣiwt
Weεli: Tebγiḍ ad d iniḍ da ulac lmut?!
Ʃli: Bɣiɣ ad d iniɣ belli lmut n da ur iban ara amek-it, neɣmelmi…mačči am din
Weεli: Ur ak d nnin ara ala, 1 ɣef 100 i awen-d-yeggran d asirem n tudert?!
Ʃli: Akka i d-nnan, macadam macci d nekknu I yteddun ar lmut d netta ara d yerzun fell-aɣ, ur nebni fella-s, da yettas-d s tɣawla d tameqrant ugar n uxemmem
Weεli: Ula d kečč, asmi i tedduɣ ɣur-s ur ugadeɣ ara, i d iqqimen a tura anida ulac wid yettmuqulen di temrilin-nnsen melmi ara d taweḍ tegnitt deg ara yinɣen, awid kan imi d ffeɣeɣ gar ifassen-nnsen
Ʃli: D tidet…nekk ayen i d-iyi swehmen d wid-nni yettheyin akken amek ara k sifessen lmut, am akken tɣaḍten
Weεli: I kečč d tamgerṭ i tewwiḍ?
Ʃli: Nekk d tamgerṭ d timegraḍ!
Weεli: (iḥeṣṣen-it) amek! ur as teqqareḍ ara d udem n uqettal!
Ʃli: Ula d kečč ulac win ara yerren γur-k…d acu i txedmeḍ?
Weεli: Nnɣiɣ, ɣef tmeṭṭut
Ʃli: Ula d nekk
Weεli: Γef demma n tmeṭṭut?!
Ʃli: d tilawin…
Weεli: ahat tḥmmleḍ-tt!
Ʃli: Kerheɣ-tt
Weεli: Tkerheḍ-tt! Amek ihi?
Ʃli: Ar ticki ad ak-d meslayeɣ amek teḍra yid-i, ma ttura ekker fella-k aṭas ixeddim i aɣ yettganin
Weεli: D acu ixeddim?
Ʃli: Timacinin-a ….ur tebɣiḍ ara ad twaliḍ axxi anida nteddu?
Weεli: Ih d tidet
Cwiṭ kan akka ad slen i taḍatt am tin n tiẓri imi ara tebdu….yeffeɣ-d usiwel
Taḍtt: Da d lqaεa! Da d at lqaεa!
Weεli: Dacu-t wa?!
Ʃli: D tiliẓri! Tura akka ttwalin-aɣ-d, sellen-aɣ-d! Ula d nekkni wali wali ar tfelwit-a (tablu) ah! d taseqqamutt n yimusnawen
Weεli: (yemmuqel ar tfelwit) d tidet maca ur frizent ara tugniwin-nnwen
Taḍatt: Tesellem-aɣ-d ?
Ʃli: ih! Ih! Nsell-awen-d, nettwali-ken-in, maca mačči s tiferzi
Taḍatt: D tidet…annecta yuɣal ɣar tudafin (lebεada) tessefraḥ tegnitt neɣ ala? i tmacinin-nni teddunt? Ulac i yeḍran?
Ʃli: Kkes aγilif tessefraḥ ngerrez ulac i d aɣ-yuɣen.
Taḍatt: Asekles d uṣewer gerzen
Ʃli: ma yella yessefraḥ ɣurwen, tella kra n tegrayt γer tewḍem?
Taḍatt: igerrez…I kunwi…tadawsa-nnwen
Ʃli: Tadawsa-nneγ akken kan…. Timzit n yehni (dawra damawiya) (timezza n yihni)……Daɣ tiyita n wul …ma neqqim akka ngerrez
Taḍatt: neεreḍ yakan ad awen-d nessiwel, nufaken-in ur awent kkis ara ssikkran
Ʃli: nxes (nebɣa) ad nwali anida newweḍ….anida inteddu?
Taḍatt: Ar tura ur neẓri ara….tettafgem s tɣawla d tameqrant skud tettaẓem tettzad, ur neẓri ara acimi…yella kra ara aɣ-d-inim?
Ʃli: ulac
Taḍatt: Ar tura ur aɣ d iban ara amtiweg (kawkeb) i ɣar ara terrem
Weεli: I knwi tzemrem ad aγ-d-inim?
Taḍatt: Sḥasfeɣ! Tura ad yegzem usiwel gar-aneɣ imi ara tzegrem 05 imelyan imeyalen…ad ḥebsent tmacinin i nesεa
Ʃli: 05 imelyan n imeyalen! Ih imi asen-d-nεedda
Taḍatt: S usimeḍ (s leḥsab) nneɣ n da ugrant-d 03 dqayeq
Weεli: 03 dqayeq…ad tegzem taywant gar aneɣ d lqaεa?!
Taḍatt: ihi yella leɣlaḍ, nekkni asimeḍ nneɣ ad takim deg wass wis sin, i tura yella kra n yisallen ara d tinim (Maεlumat)
Ʃli: Ulac…kra yellan igerrez
Taḍatt: I kunwi yella kra ara awen-d n mud n yisallen (maεlumat)?
Ʃli: Asirem ur d igri naɣ xaṭi, ɣur-wen d ayen n ruḥ anida ur d nettuɣal
Taḍatt: Aya ar tufat!
Weεli: (iεeggeḍ ur yuḥtam) i tmeṭṭut-iw!
Tiliẓri terwi din din tensa
Ʃli: D ayen tettwagzem taywant
Weεli: D ayen akk??
Ʃli: Ih
Weεli: Ala d qqareḍ nḍaε
Ʃli: nḍaε yerna s temɣawla, akken ur tettɣileḍ ara !
Weεli: (yemmuqel deg-s) waqila tugadeḍ!
Ʃli: Tabɣest, tabɣest
Weεli: (iḥeṣṣen-it aṭas) tabɣest!
Ʃli: Tabɣest! Twalaḍ amek i aɣ teḍra! Haqel-aɣ am wid i teddun deg iḍ,ur iban anida llan neɣ s ani leḥun!
Weεli: aha ur d-iyi-sagad ara!
Ʃli: (yuzzel ar ttaq) tettimẓi, tettimzi…skud tettudaf fell-aɣ, azekka ula tta ad t-id naf truḥ.
Weεli: D ac n tneqqibt?
Ʃli: (yemmuqel) d lqaεa!
Weεli: (yuzel ar ṭṭaq) lqaεa!
Ʃli: Ah a lqaεa-nneɣ taεzizt! ih attan attan anida treggel fella-ɣ ! Ahak akken i treggel ad as tiniḍ ula d nettat ala aɣ-d qqar ar tufat
Ʃli: ih, Akka!
Weεli: Tura kan i tḥuṣṣeḍ s waya?
Ʃli: (iwexxer-d i ṭṭaq) ih!
Weεli: d tidet tella d yemmat-neɣ… da yemi inḥus i yiman-nneɣ am igujilen
Ʃli: Lammer akka inettɣil ad aɣ teḍru asmi inella fell-as, ur cukkeɣ ara ad nessefsed ula d kra
Weεli: Ula d kečč akka i tḥulfaḍ?
Ʃli: Akka
Weεli: Ih! timexneqt ur tessaweḍ ara ad-iyi tbeddel, tella yiwet n temsalt yugaren kra yellan tezmer ad iyi tessemḥiḥed, d aya imi ḥusseɣ akka tura,wammag mačči d tamettant ara d-iyi sḥemmlen win ɣucceɣ neɣ ara d sɣuccen win ḥemmelɣ!
Ʃli: ẓriɣ d acu!
Weεli: tura hah i d-iyi-d teḍra
Ʃli: send (uqbel) ad tnes tiliẓri sliɣ-ak-d tεegḍeḍ “tameṭṭut-iw”
Weεli: Ur walaɣ ara acimi i εegḍeɣ akken
Ʃli: Acku tḥemmleḍ-tt
Weεli: ala k qqareɣ Kerḥeɣ-tt atan diɣen! Kra nudaɣ ad t-id afeɣ deg-i ur ṣṣawḍeɣ ara
Ʃli: Ula d nekk, akka am kečč ur zmireɣ ara ad ferzeɣ ayen yellan deg-i
Weεli: I kečč d acu imi tettḥussuḍ akka tura? Aha ini-d bɣiɣ ad waliɣ d acu i d aḥussu iynek, aha qim ḥku-iyi-d! d acu i txedmeḍ i tlawin-nni,aha!
Ʃli: wwiɣ 04 tmegraḍ ur k εniɣ
Weεli: 04 tmegraḍ?!
Ʃli: Ttwaṭfeɣ deg tis smus (xemsa)
Weεli: Annect-a akk ɣef wudem n tlawin!?
Ʃli: Γef yedrimen, ad segḍeɣ yiwet d tamerkantit ad taɣeɣ s yin akin ad tenɣeɣ akken ad twerteɣ
Weεli: ukuz (rebεa) tlawin i tuɣeḍ!
Ʃli: Di kuz iseggasen
Weεli: akken llant twerteḍ-tent?!
Ʃli: Ih
Weεli: I tis semus ur temmut ara?
Ʃli: Tessemne&epsilon,; d tin id is kfelen akk ayen yeffren
Weεli: Amek yiwen ujenyur akka am kečč?!
Akli Outamazirt