Taɣiwant n Beclul i d-yezgan tama n usammer n Tubiret tezmer akka deg useggas neɣ sin ad tbeddel udem deg uḥric yerzan tanezduɣt. 350 n tnezduɣin i yellan akka tura d ahil di tɣiwant-a. 150 seg-sent qrib dɣa ad fakkent s lebni, tigi d tid yettwaheggan i widak ara yeggaǧen seg yixxamen yehtutan d wid daɣ yenḥafen. widak ara d-yeggaǧen ad naf deg-sen wid izedɣen akka ar tura deg uɣerbaz amenzu aqdim Cherarak Slimane. Ɣef leḥsab n yimeslayen n uselway n tɣiwant Mass A. Ammouche, drus n lecɣal i mazal iwakken ad d-asen imezdaɣ. 100 n tnezduɣin nniḍen anda i bdan lecɣal n lebni-nsent ɣef yiri n ubrid aɣelnaw wis 5 ssawḍent ahat ɣer 30 di lmeyya. Ma d 150 tineggura, ata-n akka tebda tezrawt-nsent, d tid ara yilin di ṣṣenf n LSP. Yettwahegga-d umkan ideg ara ttwabnunt, meɛna mazal kra n lecɣal ara yettwakemlen deg wussan-a i d-iteddun.
S. M.