Di sselt n laxali i teddu ur yeẓri sani ur iban wemkan wala akud ula d win yettmeslayen ur iban yetɛeqqel ur iban yeffeɣ-it leɛqel
Ah am umeslub yid-i teḍra
Ur iban yeẓra, yeɣra
Ur iban yemmundel i ṭṭbel yebra
Yeshetrif, ul yekwa tazmart tekfa
Aqerru yeččur, d tirga…
Iyaw, iyaw ad teslem,
Ad teslem iwayen ur tfehmem;
Ayen ur tfehmem
D ayen i umi ur t-sell-m.
Iyaw, ayaw ad teẓrem;
Ad teẓrem ayen ur t-ssefrazem
Ayen ur t-ssefrazem,
D ayen ur t-ẓerrem.
Ad teslem…?
t-tt-ɣillem ad tfehmem… !
Ahbuh a lexlawi ma ad tfehm-m
Serḥeɣ-awen ad t-ssemḥessem. Ulac…ulac d acu ara d teslem
Hatah…hatah….dacu i uma ara d teslem.
Ixwani, ixwani, ixwani ṭebbeg ṭebbeg.
Ahbuh a lexlawi
Ixwani ṭebbeg ṭebbeg
Ay atmaten, ay atmaten, ay atmaten Derreḥ, derreḥ, derreḥ.
Ahbuh a lexlawi,
Atmaten derreḥ, derreḥ
Hatah :
Saba, Labas, Labas. Bessel, Bessel
Ahbuh a lbas, saba , bessel, bessel.
Daya i umi ara d teslem
Yella wayen tferẓem?
Yella kra i tfehmem?
Yella kra, ah…?
Ɣas tsellem, ɣas ad teslem, ur yelli wayen iferẓen
Ay akken nuɣal:
D imehbal leɛqel yella
D imelliẓa gar lɣella
Wali-t, wali-t ay akken nuɣal! Win d temmugreḍ ad ak y ini:
“Ilaq ad d xedmeɣ, limer dlebɣi ad d ɣreɣ, Awi yufan ad d idireɣ.Wali, wali ay akken nuɣal! Nettnadi ɣef lxedma, ɣas tella, i nekkni ulac. Nxes (nebɣa) ad nissin. Awah! Ad d isel Rebbi ad yeččeḥ! d acu? ad tissineḍ? D acu ara tissineḍ? Acimi ara t-issineḍ? Atan tesneḍ…
Ad d-isel Rebbi ad yeččeḥ. ma yeččeḥ Rebbi ur walaɣ ara d acu ara d-yeqqimen. Tudert, ula tudert, nugad a Rebbi ur nettidir ara. Am akken ula d lajel yeffeɣ afus-ik, i tura ur k nnɣaḍ ara ! i nekkni mačči d arraw-ik? yak d arraw-ik acimi ih !?Ah! Acimi a Rebbi ɣas ahat ur ilaq ara ad ak ini-iniɣ acimi.acimi i t-id yessasen d acimi ur nban ɣar melmi ara neqqim akka? Nettnadi ur nettaf, ɣas ma nufa ur nezmir ad d nini kra. Ma nenna-d wa ara d-yesmeḥsen, Wali anida newweḍ: Hder neɣ qim, xdem neɣ qim, dder neɣ qim mmet neɣ qim.Wali anida newweḍ!
Buḥu: Atan yeffeɣ-ik leɛqel a win yettaran Iman-is yetɛeqqel
Beẓẓa: Bu leɛqel di tmurt n tufɣa n leɛqel a d igellil.
Buḥu : aniwa ara k yamnen ?ccek yezdeɣ allaɣen, lweswas yeččur ulawen, tiselbi tessunez ixfawen, ɣas a deg-d issemḥes, mi truḥeḍ, kra i d as tenniḍ ad ak tin-yekmes, di later-ik am kečč ires, yuɣ lḥal abrid iferen-it yedda di lebɣi-s yuɣ-it.
Ggten wid yesmeḥsisen, uɣalen akk d timeẓẓuɣin akken i gten wid yettmeslayen yessicbiḥen tiberkanin.
Beẓẓa: Nekk xs-ɣ (bɣiɣ) ad waliɣ d acuten wigi i yheddren? d acuten wigi ay smeḥsisen, ih at tmeẓẓuɣin?
Buḥu: Wid yettmeslayen yal yiwen amek, mgerraden akken i yemmgarraden at tmeẓẓuɣin, llan wid mi yehrawit tuyat, yezger iberdi deg-sen, acku d teklen, llan wid yerẓan asadel n tugdi akken i asen-d tusa akken, d txelliṣṣen s yerwiḥen-nnsen.
Beẓẓa: Ihi ilezem-aɣ ad neṣber ahat am wass-a ad d tbin tafat
Buḥu: ih…! i y aɣ yuran d ṣber nečč-at, ṣber diṣber d lmertat.
Beẓẓa: lmerta tezga ɣaf Bab-is, yettawi-tt yid-s am tili, ayen tebɣu twali-t tiṭ-is muḥal…mačči ad t-ihenni wul-is.
Buḥu: Wagi d ameɛwaju, d uzlig. Ah! Yella win id issusufen tamment! ala win yuḍnen aṭṭan n sekker.
Beẓẓa: Ih…i nečča deg lerbayeḥ, i nessa deg Lemṭareḥ. Aqel-aɣ am ičuffiḍen win tewteḍ deg-neɣ s wefḍis wissen ma d tengi tiqit n yidammen, ula d tin ma tella.
Buḥu: Dɣa tesmektaḍ-iyi-d: wissen amek alarmi ur yekkir ara uwekkiw deg-neɣ!
Beẓẓa: Akka i d as teqsi! yella kra n wass i tufiḍ yekker uwekkiw deg uwekkiw ay awekkiw? anida tufiḍ ta?! Tḥesbeḍ iman-ik ula d kečč d amdan, ad tenger yemma-k ur ngin fella-k
Buḥu: d amdan d wezgen ih! d acu yxuṣen amdan? Amdan d amdan.
Beẓẓa: xussen-t wacciwen, wamma Asbeɛbeɛ d wesmuhri yessen-asen
Buḥu: amek? Ihi nekk d azger!
Beẓẓa: uhda, uhda a mmi uhda, ttixir ad ak id sfehmeɣ.a mačči ala kečč, ula d nekk am kečč naɣ…ugar
Buḥu: Amek i d azger ay azger?
Beẓẓa: Azger ikerrez, yesserwat, m ara d yaweḍ ad iɣellet, ad tzlun i timecreṭ. icc-is i cemma, aglim-is d arkasen u ad d heyyin igma-s lmejbed, ih ad tmudden d asfel neɣ d tazwert i useggas ara d-ilalen. Azger ɣas d azger annect, tazmart, acciwen, maca yiwen n bututu akka am kečč naɣ am nekk ad t-yawi ad as yerr azaglu.Ula d akken azger ɣas d azger yella uzelmaḍ yella u yeffus ula deg uddaynin. akka naɣ mačči akka ?
Buḥu: akka, akka d ayen yellan.maca amdan iman-is azger iman-is
Beẓẓa: deg-yisem.
Buḥu: Yeɛdel umehbul d uɛeqli?
Beẓẓa: Deg useklelli
Buḥu: Amek deg useklelli?
Beẓẓa:Ima ara twaliḍ tebrek, ad asen-t-iniḍ: wihin d aberkan. nutni ad ak-inin: d aberkan! Awwah waqila tedreɣleḍ, ruḥ, ruḥ ma ad d awiḍ allen-ik. nwala tezweɣ nnan-d:d arbiɛi Uh! ula d kunwi yesɛulluḍ. Naɣ tewwet-it leɛma n weḥli. ruḥ, ruḥ ad t dawiḍ allen-ik slet-as, slet-as d acu i d-yesxuruḍ ala wen yeqqar: d azeggaɣ yal yiwen akken yesxertim.wihin s yihin wa sya,werɛad ara yessusem yiwen wayeḍ ad as-d yegzem awal ssya,atan wihin yekker wayeḍ ad yenṭeg ssya, cuffen imezzuɣen-iw d ayen susmeɣ, susmeɣ, susmeɣ ula d nekk netgeɣ-d am wergaz nniɣ-asen :Dayen tura erra-yawen. d kunwi kan ar yemmeslayen! d ayen tmergem-tt mmeslayet-d axxi yiwen yiwen i akken ad d nsel
Buḥu: d tidet si ṣbeḥ d kunwi kan iyettmeslayen ayen iyi swehmen ar tura ur fhimeɣ kra, amzun di ssuq i nella.
Beẓẓa: yiwen ibenner-iyi-d sya, wayeḍ ibenner-iyi-d sya.ɣilleɣ ad iyi eččen, yiwen deg-sen yenna-d: dacu i tebɣiḍ?
Nniγ-as: “bɣiɣ kan ad d iniɣ ma ulac fella-s”.Yenna-d: “d acu ara d-tiniḍ?”nniɣ-as :”awi yufan ad d tettmeslayem yiwen yiwen axxi ad nsel, ad nefhem”
Yenna-d: “tettnadiḍ ad tfehmeḍ ihi “
Nniɣ-as :” iwacu imi tettmeslayem ihi, yak iw akken ad tesfehmem wid ak ur nefhim akka am nekk ?”
Yenna-d: waqila tebdiḍ tfehmeḍ iɛeggeḍ: alihaw eṭṭef-t-tt-id ɣurawaw ad awen-yerwel, eṭṭefet-tt-id akken ad t-nessefhem akken ur yettjeddil ara ad inadi ad d yefhem.
Nekk imaren tarewla, tarewla i yeɛlayen d iḍarren.ay aziɣ llan iwaɣezniwen ɣaf ṣṣifa n yemdanen, ih…sufella d amdan ɣar daxel d awaɣzen.
Buḥu: Dayen tura, dayen fukent-ak-d, terriḍ-aɣ d izgaren nessusem-ak, tura imi tessawḍeḍ ɣar iwaɣzeniwen ur tufiḍ i d-yeqqimen.
Beẓẓa: d acu i d awaɣzen ay aweɣzen?
Buḥu: waqila i cceḍ-ak umeslay-ik a win! Tettmuquleḍ iman-ik ɣar lemri naɣ ala?
Beẓẓa: iwacu lemri? Kečč i nekk d lemri iwacu lemri! ur d iyi-d-nessbgan udem n tidetɣ ɣur-i. lammer lemri d lemri, tilli ad iyi-d-yessebgen ayen ur tt-waliɣ ɣur-i ma d ayen yellan,walaɣt fiḥel lemri
Buḥu: Semḥes semḥes mačči eeddi kanb, ad afilu i d-yefka Rebbi deg-s!
Beẓẓa: Amek ihi? ima ara tafeḍ amdan ilul-d s tayri i tayri, ad atfeḍ yuɣal d tamḥeqranit i temḥeqranit. ma ara tafeḍ amdan ilul-d s talwit i talwit, ad tafeḍ yessaɣay tigrawliwin yessazal deg yidammen. ima ara tafeḍ amdan ilul-d s wezref i wezref ad tafeḍ yettṣamar,yettsawam izerfan n wiyaḍ? Imdanen am wigi, ugaren iwaɣzeniwen.
s yiles i yettudum d tizeṭ ma deg wul d terzeg d tesmem i yesgugul. Aniwa ur nebɣi tayri? win testeqsaḍ ad ak yini ḥemmleɣ. anida-tt leḥmala, anida-tt tayri?
Akli Outamazirt