Taggara n yimalas yezrin, yiwen n lkar yewwin arrac imeẓyan iskutiyen ɣer Tikjda yenneqlab deg umkan iwumi qqaren Tumlilin. Ulamma, akken qqaren: “akessar d akessar, Rebbi yefka afus», dagi iḥun Uxellaq ɣef yimeẓyan-a. Ɣef leḥsab n yisallen i d-newwi, 16 n yiskutiyen i yettujerḥen, tlata deg-sen qerriḥet tyita fell-asen. Ulamma ssawḍen akka yiwen almi d sbiṭer n Lezzayer tamenaɣt, maca rrant-id deg yiḍ nnikan, imi ur d-yelli kra iweɛren fell-as. Am wakken daɣ i nesla dakken imḍebber amenzu n yiskutiyen, Nordine Benbraham, yewweḍ-d ɣer Tubiret anda yerza ɣer sbiṭer ɣef yimejraḥ netta d lwali n Tubiret. Arrac-a n tɣiwant n Bordj Okhris, i d-yezgan tama n unẓul n Tubiret rzan-d ɣer Tikjda iwakken ad farsen kra n umerreḥ ilmend n yimuras n tefsut. Dacu kan temmuger-iten-id twaɣit n ubrid lewhi n 16h.
S. M.