Imawlan n yinelmaden n uɣerbaz amenzu atmaten Salah deg tɣiwant n Sidi Neɛman suturen deg wid i teɛna temsalt iwakken ad d-afen tifrat i taluft n liḥala n uɣerbaz-a yeččuren d iɣisan. Ɣef leḥsab n yimdanen-a, tizeɣwa zemrent ad d-ɣlint ɣef yigerdan. Ad nerr tamawt belli tama tayeffust n uɣerbaz-a d tin yettwaɣen mačči d kra, ma d timeskerḍit d laboratoire ilaq uhuddu -nsen s lekmal imi, seg teswiɛt ɣer tayeḍ, zemren ad redmen. Si tama nniḍen, imawlan n yinelmaden ur ffiren ara lɣiḍ-nsen ɣef liḥala n usečču ladɣa taxxamt n usismeḍ i yeḥwajen awenneɛ d lemḥadra ɣef yisufar i yettilin deg-s. Ma d imḍebbren n tɣiwant, ssawḍen akka ad ssutren deg unemhal n yisegmi ad d-yefk afus n tallelt i tifrat n uɣbel-agi. imevberen n teɣiwant d wid yesuteren deg unemhal n leqraya n lewilaya ilemnd n tifrat n weɣbel-a. Tajmaɛt n twilayt yemlalen ussan-a ineggura sqerden tamsalt-a. maca, yella-d akka wawal ɣef lebni n yiwen n uɣerbaz di temdint-a seg useggas n 2006. D ayen yeǧǧan iɛeggalen n tejmaɛt-a di lḥir acimi asenfar-a yuɣal di rrif.
Dalila I.