Ass n 12 deg yebrir-agi deg-i nella, yella-d yiwen n ssuq n tlawin neγ uzluz n tlawin akken i as-semman wid i t-id-iheggan deg taddart n At Waεban i d-yezgan ddaw n udrar n Ğerğer. Deg ssuq-agi, d tilawin i yesnuzun lγella n lxedma nsent : ama dayen yeεnan tafellaḥt neγ ayen yeεnan taẓuri. Yal ta d acu i d-tewwi ad t-ssenz. Akka ara naf seksu n ubelluḍ, n ukbal akked seksu n temẓin. Ma dayen i d-yekkan seg tfunast yella uyefki, udi akked uguglu. Ula d taẓuri teṭṭef amḍiq ameqqran s teksiwt n leqbayel, aεban akked uεdil. Ma γef yiswiyen n wulzuz-agi tenna-aγ-d Samia, taselwayt n tiddukla ‘’Asurif’’ i d-iheggan timlilit-agi nettat akked tesqamut n taddart n Wat Waεban :’’nebγa ad nefk azal i wayen i txeddem tmeṭṭut deg tudrin. D yiwet n tegnit anda netteεraḍ ad d-nerr ansayen-nni nneγ n zik. Anda, di&gamma,; tameṭṭut ad tettkel γef yiman-is u ad d-tesbin azal-is deg tmetti taqbaylit…’’ Ma γef yisem n taddart ‘’At Waεban’’ tenna-d yiwet n temγart, ayagi :’’zik ttruḥun yirgazen seg taddart-agi nne&gamma,; ttawin aεban ad t-senzen deg ssuq n Lğemεa. Acu kan mi ara yili ubrid yergel, ur ttsewwiqen ara. Ihi, imsewqen n tamawin-nniḍen mi ara walin irgazen-nni n taddart nneγ ulac-iten, qqaren-as ‘’ass-agi ur d-ussin ara Wat Waεban’’. Akka ihi i asen-ṭṭfen awal-agi.’
Hocine.M