Sindika n yixeddamen n tkebbanit taγelnawt electro-industrie n tγiwant n Yiεeẓẓugen begnen-d lγiḍ-nsen s waḥbas γef lxedma deg ass n letnayen 06 maggu yezrin, sebba imi 04 n yixeddamen ḥebsen γef lmakla ( Gréve de faim),i yesuturen timarnit di tjarniḍin-nsen ( augmentation des salaires), anda imḍebren n tkebbanit-agi uggin ad-smaḥsen i xeddamen-agi. Γef aya ixeddamen n tkebbanit ENEL n Yiεeẓẓugen, begnen-d ula d nutni lγiḍ-nsen u bedden γer yidis n yemdukkal-nsen, dγa dayen i yeğğan aḥric (service production) yettwaḥbes γef lxedma 100%, syen xedmen yiwen unejmuε s zdat n luzin-agi ass n lğemεa 10 maggu anda iḥedrent sandikat n yixeddamen yemgaraden id-yussan di Tizi-Wezzu akken ad-ṣiwḍen tiγri-nsen i yemḍebren εlayen taεna temsalt. Akken daγen iεeggalen n waggur azeggaγ Azzayri n temnaḍt n Yiεeẓẓugen bedden γer yidis n 4 n yixeddamen i iḥebsen γef lmakla, anda llan 2 degsen deg yir liḥala u ṣawḍen-ten γer sbiṭaṛ Maγne Lunes n tγiwant-agi iεeẓẓugen Dγa Aγmis n Yimaziγen yerza γer luzin-agi ENEL n tγiwant n Yiεeẓẓugen akken ad-nawi isallen s telqay n yiγeblan ideg ttexbibiḍen ixeddamen-agi. Macca dayen yesḥisifen aṭas imi yuggin a γ-ğğen a nekkcem, u daγbel iwmi sḥasfen aṭas ixeddamen merra. Γer tagara, ixeddamen n tkebbanit taγelnawt electro-industrie n tγiwant n Yiεeẓẓugen sutren deg yemḍbren taεna temsalt akken ad-ggren imman-nsen i tifrat n wugguren-agi γef zik lḥal uqbel ad-tluγ tegnit.
Islam Bessaci