Ageffur iwten s ṭṭaqa di taggara n ddurt izrin , d win i d-iglan s kra n lexsara deg yiberdan n tmurt n leqbayel, ladɣa di tama n yidurar anda mazal taɣuzi i usekcem n lgaz n temdint ɣer yixxamen d tin ittkemilen, imviqen tɣuzi uɣalen d iɣezran n waman, iberdan uqqlen d aluv, aεeddi s uvar neɣ s tkarrust d win ur nesshil ara di liḥala am tagi, arnu ɣer waya ssix i inulen akal i d-izzin i iberdan di kra n tamiwin n tmurt n leqbayel, am akal azeggaɣ di tadmait, anda d ssaxen kra n yiéra ɣer ubrid, daɣen kra n wakal deg ubrid aɣelnaw wis 72, maca ssix-agi ur yelli ara d win imedlen iberdan, aceku ageffur d win i iḥebsen uqbel ad tevru twaɣit i ugadden imezdaɣ ladɣa di tmedinin, akked d kra n tmenavin n lwilaya i ittwasnen s twaɣiyin i d-iverrun deg-sent yal mi ara d-iwwet ugeffur s lejher, ad nebder taɣiwant n Draε Ben Xedda, anda uɣalen iberdan n tmedint d yiwen n wasif meqqren imi aman ugeffur ur ufin ara ansi ara ffɣen, iḥun rebbi ur kcimen ara s ixxamen n yimezdaɣ, imi ineggura-agi ffɣen-d ɣer berra iwakken ad d-ggen tirgwa iwaman is-biεden ɣef leḥwari-nsen, ma di tama n Wad Fali imezdaɣ si ṭṭaqa n tugdi ad ifiv wassif yellan rrif-nsen gnen s nuba i wakken ad ḥarben ɣef twaculin-nsen, izad wawal, gar yimdanen, ɣef lexsara i ilan tetturaou limer i d-irna ugeffur s ṭṭaqa-nni si yiwwet, ɣef aya ssawlen i yimvebbren taεna temsalt akken ad d-afen tifrat, i wakken ad rren lḥed i twaɣiyin-agi i d-iverrun s sseba n ugeffur.
Malika Kebaili