Isuddes-d uxxam n yidles Lmulud Nat Mɛemmer di lwilaya n Tizi Wezzu, ɣef teɣzi n tlata n wussan,timlilit tamenzut ɣef ccna n teqbaylit, ddaw laɛnaya n unaẓur ameqqran Kamel Ëemadi, aneggaru-agi yebda tmlilit s yiwen n usarag, i d-yuwin ɣef usentel n ccna amaziɣ, maca asarag-agi d win i d-yuwi ɣef « tezlit taqbaylit si tsuta ɣer tayev » deg usentel-agi yemslay-d dda Kamel ɣef amek i tella tezlit taqbaylit di talit n tgerawla, arnu ɣers inazuren i irefden izen n ugdud ɣer tmura tiberaniyin s ttawil-agi n ccna, issiwel deg awal-is mi d iwev ɣer ccna atrar di talit-agi deg waydeg nella i yilmeẓyen,iwakken ad rren azal i wawal, ad as-fken lqima iwayen i yebɣa yizen ad t-issawev, mi ara s sselen yimdanen ama di berra ama deg yixxamen-nsen, si tama nniven Kamel Ëemadi isnemmer s tusda ilmeẓyen n wass-a i irefden tizlit taqbaylit armi tuwev maci d taɣelnawt kan maca d tagraɣlant, sellen-as medden deg umaval merra, arnu ɣer usarag-agi n mass Ëemadi, si tamas Massa Ëasina Xerdusi, d taselmadt di tseddawit n Lmulud At Mɛemmer, tuwi-d awal deg usentel n usarag-ines ɣef ccna n tmeṭṭut tatrart, anda d-uɣal Xerdusi ɣer lḥif n tmeṭṭut d tmuɣli n tmetti ɣer tlawin yerẓan asalu n ccna mebla tugdi d ukukru di talit-nni n zik, tmeslay-d ɣef amek i d-tedda tezlit s ṣṣut n tlawin si zik armi d ass-a, d wazal yesɛa ṣṣut n tyemmat s ccnawi-ines deg reṣi d useḥbiber ɣef tutlayt , maca ccna n tmeṭṭut yella di yiwet n tallit d lɛib maci d win mesmuḥen,
Ass-a yettwakkes ẓẓerb armi yuɣal ccna n tmeṭṭut d azamul n tlelli, ur yelli deg-s kra n lɛib neɣ leḥya.
Timlilit-agi, tella-d d tagnit i inaẓuren imecṭah i wakken ad d -melilen akked wid i ten-yugaren di leɛmer d tmusni.
Malika Kebaili