Deg wussan ineggura, iserdasen d yiɣallen n laman i yerran lḥers meqqren ɣef terbaɛt n yirebraben deg teẓgi n Chréa, yella tama n unẓul n tɣiwant n Leɛǧiba, ssawḍen ad rren talast i tudert n yimnufaq-a. Deg yiwen n ṭṭrad ideg yettusexdem leslaḥ aẓayen yecban timesrafgin, ɣlin azal n sebɛa n yirebraben, am wakken i ttwahuddent tlata n lkazmat. Yiwet deg-sent tettusexdem d sbiṭer i yimejraḥ, imi iserdasen ufan deg-s aṭas n yisufar n tujya. Ma d snat nniḍen, ttussexdament i yiḍes d usgunfu, ɣef leḥsab n tduli ufan daxel-nsent. Imi, imenɣi mačči d win i iḥebsen, ssawḍen yiɣallen n laman ad qemḍen leɛmer i rebɛa nniḍen n yirebraben iwakken ad yaweḍ leḥsab ɣer 11. D yiwet n tyita qessiḥen i yuɣen yimesbaṭliyen-a i d-isersen rrehba deg yimdanen, ladɣa wid izedɣer rrif n tezgi yeddan seg Chréa alamma d iɣzer umenchar di tɣiwant n Ḥnif.
S. M