Tedreg tugna-as deg umris
Weεli: (I tuzyint) I netta diɣen fernen-as-d tamarant (secritaire) ?
Tuzyint : (s kra) d taxemrit
Weεli : waqila yella kra teffreḍ !
Tuzyint : ula d nettat tjebbed !
Weεli: ula d nettat ahat telha
Tuzyint: ahat am ta i d ak yehwan?
Weεli: di ğğin i ttwalaɣ, anagar atikelt, iḍelli
Tuzyint: akka, yssefk ad t-tissineḍ imir ad twaliḍ
Weεli: ur masriɣ-as
Tuzyint: (temmuqel ar tfelwit banen-as-d di sin) aten aya, ṣṣawḍen-d t-tekka i tqeffilt yellan deffir n umris ikcemd Ʃli netta d ttxemrit
Ʃli: (iwet ar tayett) amek i teliḍ ay ameddakel?
Aṭas i tegneḍ? I yelha yiḍes i yelha!
Weεli: d ayen izaden
Ʃli: I lqahwa-a, ttay, i uyefki, i iẓem s ulac
Weεli: Yella kra turiḍ naɣ urεad?
Taxemrit: ar tura kra ur tyuri, iletha d yisteqsiyen
Ʃli: (i umeddakel-is) i kečč?
Tuzyint: am kečč
Ʃli: amek ur steqsayeɣ ara? Yewwi-d ad nissin deg waniwa amaḍal deg i nettidir, ɣer neɣ amynut, ih ula d ttawilat n uṣiweḍ mačči deg yiberdan I teddun, di tegnawt, ma d ẓduḥat n d tiɣessar (stations) yerna kra d akk baṭel, la itikiyen la idrimen! Tasureft tameqrant deg umaḍal ad tekkeḍ azal n tsaεett, ar wagur n tekk 06 swaye&epsilon,; akka i d amaḍal d tisewham!
Weεli: mačči ala aya, a yella wayen yugaren aya
Ʃli: d acu-t?
Weεli: (icebceb-as ar temeẓẓuγt) tessudneḍ taxemrit-ik?
Ʃli: d ayen akk ur d nεedda ara deg uqerruy-iw!
Weεli: ɣur-k anida i tbedduḍ s umezreg! D ayen ur beqqun ara, da tebɣiḍ kan kra xdem-it war ma tezziḍ tenḍeḍ
Ʃli: ur tettneḥcam ara ma yella…
Weεli: ih ula d kečč aγ-iyi d wawal ad twaliḍ,dayen ijerbeɣ
Tuzyint : ayen akk ikerheɣ d lehdur ar tmeẓẓuɣt
Taxemrit: anef-asen anef asen, mačči kra ara nekreḥ ad at nḥettem ɣaf wiyaḍ, am akken d asekkak
Tuzyint: fehmeɣ d acu i d tenniḍ
Taxemrit: tanemmirt imi i d-iyi- d tfehmeḍ
Tuzyint: maca aya i d nniḍ mačči d amkan-is, mačči d tagntt-is
Weεli: atan diγ tebdamt iniɣ, ur tufiḍ i yellan meslayeɣ-as ɣaf student
Tuzyint: d acu n student!
Ʃli: ma yella bɣiɣ ad sudneɣ taqcict-iw, ad tesudneɣ srid … (yunez ad isuden taxemrit)
Taxemrit: (tefka-as-d iserfiq) ur teseḍḥaḍ ara?
Ʃli: (yenneḥcam) suref-iyi! (I umeddakel-is) akka i tebɣid?!
Weεli: (yenneḥcam) ala mačči akka i…
Ʃli: iεğeb-ak iserfiq-a? waqila d ayen ur neḍri di tlata leqrun aya
Weεli: (yezzi ar tuzyint-nni) mačči akka i d-iyi-d nniḍ tizgelina?
Tuzyint: ih…mačči d nettat
Weεli: ihi temgarrademt di tmuɣli?!
Tuzyint: amgired d ameqran i yellan gar-nteɣ, nekk ttikiɣ ɣar ukabar n yimmel, nettat ar ukabar n yezri
Ʃli: ula da llan ikabaren?
Weεli: yak tenniḍ-d negrent tegrawliwin?
Tuzyint: d leqrun aya, akken i ak-d nniɣ, ulac tigrawliwin, naɣ tamurt ara yestɣelben ɣaf tayeḍ, timura akk nnernant di yal tamsalt, ulac d acu i tent-ixussen, maca amgired yella di yal taγult di yal agdud, gar sin iderma: adrum ijebden s tebɣest ar zadt, d wudrum ibedden yettmuqul s tiṭ n tugdi, ijebbed ar deffir
Taxemrit: mačči s tiṭ n tugdi, maca s tizemnit
Tuzyint: d azref i ukabar-newen ad yesseqdec awal i d as yehwan, ad isemmi, tugdi tizemnit! Aḥebbus tajarayt n tikli, allaɣ
Taxemrit: (s nmara) tikli ar wanida?!
Tuzyint: (s temɣer) ar zdat
Taxemrit: ih ini-d ar yixsu (uceḥraraf)…ar txettart….d wa i dezdat ɣar i t-tteddum, …tettγilim mi teqqimem aṭas deg udabu, d aγwi i teɣwam imdanen tesxelεemten s tmacinin-nnwen d wumrisen-new, terram-ten stufan teseččemten, tzeḍɣemten, tessedhamten, maca akken yebɣu yili imdanen ur yezmiren ad idiren s tgella kan, xsen ad xedmen ad sezrin tudert-nnsen s kra, bɣan ixeddim, muddet-asen ixeddim, afet-asen-d ayen ara xedmen
Tuzyint: ixeddim…ixeddim…ixeddim d tizlitt-a kan i d awen-d yeqqimen tcennumtt-id, ulac akk deg wacu ara d teṭṭfem tufam-tt-id d tawurt akken ad trejnem tagnitt
Taxemrit: mačči d tizlitt, d tidet, muqel kan ar wacḥal ineqqen iman-nnsen, ula d imussnawen ttnadin ɣef waya, d ayen i teẓriḍ, d ayen yeẓra ukabar-im, d ayemmi yugad, d igelfan i neqqen iman-nnsen, acku ur ufin ara d acu ara xedmen, deg wacu ara s εeddin akud-nsen ur ẓrin ara d acu ara xedmen s tudert
Akli Outamazirt