«iteffeɣ-d seg iεebbaḍ-nsent waman yemgerraden deg ini, deg-s ḥellu i medden, ayen yellan deg aya d el-aya i lqum i d-yettmektayen ».
Awal-a yella deg wawal n Ṛebbi ɣef tzizwit. Ma nenna-d tizizwit ad d-nini tamemt. Tamemt d asafar, tesεa aṭas n yibaɣuṛen (lfaydat) gar-asen : nnan-t-id ula d imejjayen, tamemt tettεawan deg useḥlu n nnazla d wezleg. tesseḥlaw taɣect n wemdan ma yella yettsusu neɣ teqreḥ-it kan. Tamemt tettekkes ṣṣkara, meḥsub yiwen ma isker, s kra n tamemt izemmer ad yuɣal ɣer laεqel-is. Tettawi-d d tettarra-d iḍes i win umu iṛuḥ. Tamemt tesleqqiq aglim, i ssaεd n tulawin ay iḥemmlen ccbaḥa tettekkes lḥeb. tesseḥlaw daɣen seg tiččin n tmes d ddebṛa yenṭerren. Annect-a yakk d kra n wayen nzemmer ad naf deg tzizwit, yerna ayen yessuhamen ; ɣas ma tazart ur yezmir ad tt-yečč win yewta waṭṭan n sskeṛ, maεna tamemt izemmer ad tt-yečč, yerna tettεawan-it deg kullec. Ayagi nnan-t-id imejjayen (ṭebbat). Ihi yelha yiwen ma iḥebber ad yaɣ xerṣum kra n tamemt ɣas ma teɣlay, ladɣa i wid iẓumen deg ayyur-ayi n ṛemṭan, ad afen deg-s kra i tezmert-nsen.
Mhenni Xalifi