Aseggas-agi aṭas n yinebgawen d yimerriyen i d-yerzan s At Yanni ad ẓren tifaskiwin i d-yemsetbaɛen i teɣzi n unebdu. Si tfaska n “Raconte-Arts», ɣer wuḍan n umezgun deg taddart n wegni Ḥmed, tura d nnuba n “wuḍan idelsanen” n taddart n Tewrirt-Lḥeǧaǧ. Tidukla tadelsant Asafu n taddart agi n Tewrirt n Lḥeǧaǧ tessaweḍ 20 seg mi d-tenǧer abrid deg yedles. Xas tesɛedda tallit n tsusmi; tikelt-agi uɣalent-ed tmeɣriwin n wuḍan unebdu. Zdin afus deg ufus yelmeẓyen n taddart d tɣiwant n At Yanni i wakken aseggas-agi ad uɣalen “wuḍan idelsanen”. Akka i teldi tiwwura-s ass-nni n laṛebɛa iɛeddan s lmedad imḍebṛen n tɣiwant d Dayra n At Yanni. Tafaska agi n ṛebɛa wussan ad ikin deg-sen azal n 15 n icennayen, 7 imedyazen, tarbaɛt n ‘Hip-Hop’ d tzemmaṛin n At Yanni. Akken daɣen i tella tẓuri tis (4) rebɛa di ttiɛad-is s 3 tceqqufin umezgun. Ayagi yekkes lxiq i w’At Yanni d inebgawen nsen. Akka i tettunefk daɣen tegnit i inaẓuren meẓẓiyen ad ten-yissin lɣaci, yerna netni ad aɣen tanummi, yerna ad d-seknen ayen xeddemn; daya i ɣ-d-yenna Mass Yasef Arezqi, aqerru n tidukla tadelsant asafu. At Yanni mazal-itt deg wussan n tfaskiwin tidelsanin. Imi mazal tameɣra n ṭhara i tettheggi taddart n At Leḥsen d tmeɣra n lfeṭṭa ara yilin seg 16 ar 23 n waggur n ɣuct.
Urak Lameyya