“Leqbayel zeddɣen deg yixxamen neɣ deg iɛecciwen. Tura, bennun daɣen lebruǧ.
Aɛecciw ttuqimen-t s ibudiden, ttcuddun s ugeṭṭum neɣ s tzukar, ttseqifent s wedles, s wummad neɣ s yeɣlel. Iɛecciwen i ten-izedɣen ala igellilen ur sɛin ara azal ss ara bnun axxam. Ma d axxam, i wumi qqaren daɣen tazeqqa, yebna s tkurt neɣ s ṭṭabya. Bennun s ṭṭabya ɛlaxater lebni n ṭṭabya yettas-d rxis, yerna yettiwɛir i lfek ɣef lxiyyan. Axxam iseqqef s lqermud neɣ s wakal deg ur ttɛeddin ara waman.
Mi ara yebɣu walbaɛd ad yebnu axxam, ad iruḥ ad yesali adɣaɣ, neɣ ad t-id-yaɣ. Sakin ad iheggi isulas, tigejda, tafeggagt d lqermud. Mi d-yessaweḍ akk wigi, ad yeṭṭef amestajar ara s-yeɣzen llsas akken i s-t-ifessel lemɛelem. Mi yuli llsas, ad as-yezlu ixf umaɛic neɣ uɣelmi”
Tukkist seg usebtar anegggaru