Atas n tuddar n tama n at ɛebbas (Iɣil ɛli, Ginduz d Bujlil) iwumi i yeɣli ccan s wataṣ! Zik nni, llant kṛa n tuddaṛ di tama-agi, sɛant azal muqren, imi ttwasnent s wayen isɛant neɣ swayen ixedmen imezdaɣen nsent. Ad nedem kra n yimedyaten : zik nni, anwa uṛ nessin ara taddaṛt n Belɛegal yellan di tɣiwant n iɣil ɛli? Tettwassen s tmellaḥt ines, I d-izgan azal n 5 ikilumitren fella-s. Tamellaḥt agi mazal-itt t xeddem, maca, mači am zik nni. Inqes aṭas uxeddim dges, imi gewten (multiplier) luzinat id ixedmen tisent neɣ lemlaḥ. Ayagi iǧǧan tamellaḥt agi ur tennerni ara, teqqim-ed amaken d « le musée » deg tama agi. Llan sin n yemdanen kan itt issexdamen. Tuṛa ma t bedreḍ-ed ineɣ neɣ isem n Belɛegal, ak-inin: » uṛ ttnessin-ara ! » .Taddart agi zik nni t ttwassen seg ugemuḍ ar utaram n leẓẓayer, imi tisent ines d ttin ilhan atas. Tella taddart nniḍen iwumi qaren Tabuɛnant deg tɣiwant n iɣil ɛli. Taddart agi, tesɛa agama (nature, paysage) ittaɛǧaben s wataṣ. Zzin as-ed idurar, lhawa ines issaḥlay imuḍan. Tabuɛnant, t ttwassen zik nni s « la menuiserie » akw « la boiserie ». Llan zik nni ixeddamen gwesɣar neɣ « les menuisiers » ig xedmen tiggura d ṭṭiqan s uzimba. Lxedma nsent tessewhem aṭaṣ gemdanen, imi as-t ini-ḍ tiggura nni d ṭṭiqan tuxedmen s tmacinin titrarin ! Ma tɛedda-ḍ ɣef kra n taddart deg tama n at ɛebbas, ḥṣu belli tiggura nni akw d ṭṭiqan usan-d seg taddart n tbuɛnant. Ar ass-a, « la boiserie » agi mazal-itt teṭṭef ɣas aken d leqrun ig ɛeddan fella-s ! Tura tabuɛnant teɣli deg tatut (oubli). Ur yelli kra issefraḥen dges. Ttaddart t ttwattu am tuddar niḍen deg tama n at ɛebbas. Taddart nniḍen: Tadart n at uɛebla. Tagi ur t ttwazdeɣ ara tura. Maca, zik nni ḥekkun-ed belli qwant dges ssenɛat. Taddart agi t ttwassen s senɛa n yefniqen neɣ isenduqen (coffret)! Ifniqen agi (isem agi ismektayed s yefniqen « les phéniciens ») cebḥen aṭaṣ. Ar ass-a llan-t kra twaculin isɛan ifniqen neɣ issenduqen n taddart agi ig negren ! Lḥirfa agi ur-ed qqim ara tura, truḥ d-imawlan is aken qaren. Ass-agi taddart n at uɛebla tegwrad d-ixerban kan. Mazal ixammen idermen dges smektayen-ed s yizri n taddart agi yenernin aṭaṣ zik nni. Tuddar agi nefkaten-id d imedyaten kan ɣef yizri (passé) n sent inernan d wemha (présent) t waɣit ideg id gwrant. Myal taddart, dagi deg lɛarc n at ɛebbas, tesɛa amezruy d lḥirfat ines ittwattun…Uɣalen-t akw ar deffir, imi imezdaɣen nsent ig snen lḥirfat muten, gwin idsen tussna nsen. Gwrant-ed tuddar n at ɛebbas ttigujilin n tussna…
Syphax.Y