Seg tura, iwakken yiwen ad yessuter tanezduɣt (logement) i ddula ilaq ad yesres iman-is deg internet. Asmel n AADL ad yili deg uẓeṭṭa (mis en ligne) s tɣara tunṣibt seg ass-a n letnayen, anda ihi adeg aadl.dz ad yili yettwakcam. Ayen ara yefken tagnit i wid yessuturen ixxamen iheggan, i yeččarayen lekwaɣeḍ n uεeyyen akken iwulen ad sersen tisutriwin-nsen (demandes) deg adeg internet war ma εeddan alama d amḍiq n AADL deg Lezzayer.
Ɛlaḥsab ineɣmisen i d-yekkan seg tmehla tamatut (direction générale) n AADL deg APS, iwellihen meṛṛa i ara ad tḍefreḍ deg internet d azdam n uneɣmis n wermas (accusé de reception) akked ccuṛuḍ n weqbal, d lekwaɣeḍ i yettunefkayen d taseɣṛut n yiseɣ (déclaration sur l’honneur). Akken i d-teqqaṛ dima tmehla tamatut n AADL ayen akk i d-yettwaceyyεen sɣur uɣerman (citoyen) ad yettwassefqed s telqey, win i d-ibanen ixulef tiwtilin (conditions) n usuter neɣ yeskaddeb atan ad yebṭel wayen yebɣa yerna ad yettwaεaqeb sɣur teɣdemt (justice).
Taggara ad nerr awellih dakken AADL tessefhem-d s cedda belli tisutriwin yewwi-d ad ttwaḍelbent deg twilayt anda yezdeɣ win terza temsalt, daɣen ala yiwet n tsutert i yettwasemḥen i ubusin (couple).
Mhenni Xalifi