Iɣerbazen n uselmed n lḥirfat n tɣiwanin n Iɛeẓẓugen d At Issi sfaydin-d s sin n yisenfaren n tmeskaḍiyin ilmend n yinelmaden yetteḥwiǧin ddeqs n yiḍrissen deg usurif n uselmed. Ad nar tamawt belli aḥric-a n uselmed n lḥirfat deg lwilaya n Tizi wezzu d win i d-yesfayedin s waṭas n yisenfaren, gar-asen yiwen uɣerbaz deg ara kfun lecɣal n lebni deg wussan i d-iteddun deg teɣiwant n Draɛ Ben Xedda. Aɣerbaz-a n 500 n yimekwan n leqraya d 205 n yimekwan n tguni ad yettuxes deg uselmed n lecɣal n lebni. Yella daɣen lebni n sin n yiɣerbazen niḍen deg tamiwin n Wad fali d Azeffun. Aɣerbaz n Wad Falli ad yesɛu 1000 n yimekwan n leqraya d 300 n yimekwan n tguni, ma d win n Azeffun ɣur-s 300 n yimekwan n leqraya d 120 n yimekawan n tguni. Aya ilmend n tikci n tegnit n welmad n lḥirfa I yelmaẓyen n tamiwin ibaɛden n lwilaya.
Yesunefk ad nar tamawt belli 11000 n yinelmaden tturajun deg unekcum ɣer leqraya ara d-yillin deg 22 ctember i d-iteddun,
D.I