A widak i ɣ-iḥekmen
Ad awen-in-aruɣ tabratt
Wissen ad tt-teɣrem ahat
Ma testufam, mulac dayen
Aqli ṭṭfeɣ lekwaɣḍ-nni
Akken ad dduɣ d asekriw
Ad dafɛeɣ ɣef tmurt-iw
Tuɣal-d lgirra-nni
A syadi imeqranen
Ur ttkalet ara fell-i
Yemma ur iyi-teǧǧi
Akken ad neqqeɣ imdanen
Seg wul iṣfan d nniya
Naɛya di texnanasin
Am yergazen am tilawin
D arani tura berka
Keččini (se)g wasmi d-necfa
I gemmuten deg babaten
I gjeggḥen deg watmaten
Neɣ igujilen tura
Ayen runt tyemmatin
Mačči d ayen ara d(neḥku
Ula d aẓru ad iru
Melt-i(yi)-d acu d-ssulin
Ma d nek (i) ijeṛṛben leḥbus
Qlan-iyi-d accaren-iw
Kksen-iyi tameṭṭut-iw
Kkaten-iyi, qqaren drus
Azekka zik ad kkreɣ
A(d) s-rreɣ tablaṭ i wul
Ẓriɣ abrid-iw iḍul
Wissen akk ma d-uɣaleɣ
Ad leḥḥuɣ deg yiḍ deg uzal
Ad d-aɣeɣ akk timura
Ad ttbaddaɣ ɣef tebbura
A sen-qqareɣ yiwen wawal
Ma tugim tixeṣṣarin
Agit a medden, agit
Ur ḥeddert ara i twaɣit
Ar yeɣẓer i kun-ttawin
Tebɣam tazla (n) idamen ?
I idamen n wen kunwi ?
Zwiret a(d) ken-wali
A syadi imeqranen
Midi tt-teddam fell-i
Init-asen i iǧadarmiyen-nwen
Iffasen-inu d ulmawen
Ma bɣa a(d) yi-nɣen, neɣn-i
Mohia