Ilmend n wass agraγlan n yimdanen iwesren, ihegga-d uxxam n yidles Mulud At Mεemmer n temdint n Tizi Uzzu yiwen wahil ass-nni n umenzu n tuber. Deg wahil-agi, llan-d yisaragen sγur wid iqeddcen deg uḥric n lemεawna n yimγaren-agi. Ama d wid yellan deg uxxam n yimγaren n Buxalfa, ama d wid-nniḍen. Awal yettezzi yettarra γef wamek i d-yettelli useḥbiber γef yimdanen-agi akked ttawilat i asen-iwulmen. ‘’iswi nneγ amezwaru dakken yal amdan meqqren deg leεmer ad ikemmel ussan-is gar twacult-is. Meεna, timetti nne&gamma,; deg taggara-a, teskan-aγ-d udem-nniḍen. Acḥal n dderya i yettağğan imawlan nsen ad ḍiεen, ad d-ggrin deg yixxamen-agi.’’i d-yenna yimḍebber n uxxam n Buxalfa. Σlaḥsab n wawal-is, llan wid i d-yekksen afus nsen seg Rebbi :’’ad d-yawi baba-s, ad t-yeğğ deg uxxam n yimγaren, meεna yal aggur ad t-yessufeγ yiwen wass iwakken ad as-d-yejbed idrimen-nni i yetta&gamma,; ama d wid n Fransa neγ wid n tmurt n Lezzayer.’’ Ikemmel yenna yimḍebber-a. Asteqsi i d-yettuγalen s lketra gar yimdanen, d wa : d acu yessawḍen timetti taqbaylit γer lecγal-a ?
Hocine M.