Max und Moritz d yiwen n umezrar (série) n wunnuγ amsuder (dessin animé) almani i yura Wilhelm Busch. Yeffeγ-d i tikkelt tamezwarut ass n 4 di yebrir n usaggas 1865. Tamacahut-a n Max und Moritz teffeγ-d daγen d asaru n ssinima deg aseggas n 2005 dima di tmurt n Lalman. Tamacahut n Max und Moritz tḥekku-d γef sin n warrac, d imcumen, d at txidas, ccγel-nsen d asexleε n yimdanen akked yimeqranen n taddart-nsen. Arrac-a iγef d-tḥekku tmacahut n Max und Moritz ur ttaγen ara awal mi ara ten-yessendeh yiwen, ur ssinen dacu i d lemqadra. Maca yusa-d wass anida xellșen ayen akk xedmen : yeskeṛfej-iten uγaref n tessirt, uγalen amzun d iwzan ideg ttetten kra akken n yifrax cuban γer yikanaṛen. Tamacahut-a n yimecṭaḥ tettwasuγel γer waṭas n tutlayin n dunnit, i tt-i-d-yerran γer tmaziγt (tantala taqbaylit) d mass Sεid at Mεemmer, netta d amyaru daγen d amedyaz, yexdem aṭas n tsuqilin ladγa seg telmanit γer teqbaylit. Ihi ay arrac, daγen ay imeqranen kunwi yebγan ad teγrem tamacahut n Max und Moritz s teqbaylit, tzemrem ad tt-id-tzedmem (télécharger) baṭel seg lantirnat deg uzday-agi: http://www.tamazgha.fr/IMG/pdf/Warek-d-Wasin.pdf
Mokrane Chikhi