Tmanya n tɣiwanin n lwilaya n Tizi wezzu ad sfaydint s isenfar n lebni n yixxamen n yilmeẓen deg wagguren i d-iteddun. Tiɣiwanin-a d Amecras, Sumɛa, Tirmitin, Asi Yusef, At zemenzer, tudrin n At Mendas, deg tɣiwant n Buɣni d Buxalfa deg teɣiwant n Tizi Wezzu. Isenfaren-a ad d-sqamen azal n 354 imelyunen n yidinaren. Am akken d-yetilli usiǧhed n weḥric n waddal d yilmeẓen deg yal tama n lwilaya, imi ad yili lebni n yiwet n piscine de proximité deg tɣiwant n At Duala. Ad nar tamawt belli isenfaren-a s wazal nsen, ma neẓra belli s tawil-a n waddal d yidles ara d-yili uḥareb ɣef ilmeẓyen I wakken ur tawin ara yir ibardan.
Dalila I.