I lmend n usfuggel n lɛid ameqṛan, ugar n tiddukliwin heggant-ed leqdic s wayes ssafessent taɛkemt ɣef wid ur nezmir ara ad qablen tagnit-agi imi ɣlay cci. Tiddukla “Relais et Solidatité” n At-Yanni i yettwasnen s tallelt i d-tettak i yal yiwen yettilin di ddiq, tuɣal-d tikelt-agi texdem timecṛeṭ di taddart n Agni Ḥmed. Akka xas wid ur nezmir ara ad zlun di lɛid, iṣaḥ-iten-id amur. Mass Mezzani Ḥamid, aselway n tiddukla-agi yenna-d belli xedmen lficṭṭa tameqrant. Qedcen deg-s ama d irgazen, ama d tilawin. Zlan deg-s sebɛa wakraren d yiwen n uɛejmi, i sen-d-yettunefken s ɣur kra n medden i yebɣan ad xedmen lxiṛ. Akka, ugar 145 n yexxamen tesdukkel-iten tṛbut. Akka s tallelt n wid yesɛan ttawil, tiwaculin ixussen sɛeddant meṛṛa lficṭa-agi am nutenti am twaculin nniḍen di tegmat d tmendit.
Yamun Karima