Ass n 28 tuber deg aggur yezrin 2013, tazeqa n tmeγriwin tajeğğigt n yires n tγiwant n Wizgan, tesduri-d yiwen n leqdic s wazal-is, tagi d timlilit tagreγlant γef izarfan n warrac imaεdar i usishel n wulmud. Leqdic-agi tsudes-it-id tdukla imaεdar d yemddukal-nsen n temnaḍt n Wizgan s lemεawna n temqedemt n tmurt n Fransa di Lzzayer akk d tiddukla tagreγlant n yimaεder. Deqs n yidisan i iḥedren di temlilit-agi, am tdukliwin i iqedcen deg aḥric n tmetti id-yussan si temnaḍin yemgaraden n tmurt, ger-asent Tizi-Wezzu, Setif, Lzzayer tamanaγt d tiyiḍ niḍen. Akken i yeḥdar mass Toussaint Jean, i yettmetilen timqedemt n tmurt n Fransa di Lzzayer, mass Alexandre Pion aselway n tdukla tagreγlant n yimaεdar, mass Theirry Martinez anemhal n uγarbaz i ittewxeṣen i yimaεdar di tmurt n Fransa akk d yemḍebren n yaḥricen yemgaraden n tγiwanin, imḍebren n lwilaya n Tizi-Wezzu d iεeggalen n yikubar n tsartit. Iswi n temlilit-agi, d asaε d uḥessesn yemdanen taεna temsalt akk d wid iqedcen deg yaḥricen n tmetti akken ad-ffken izarfan d wazal akken iwulem lḥal ilfayda n yimaεdar.
I.B