Mi ara twaliḍ ibki-agi la yettmuqul iḍumman i as-d-yezzin, wissen γef wacu i la yettxemmim ? wissen ma yefreḥ imi yufa ayen s wayes ara isebber laẓ-is ? Ne&gamma,; ahat, yeqqreḥ imi i as-ssamsen i wayla-s ? Tugna-a (teswira), tettwaṭṭef-d deg teẓgi n Yiεekkuren ussan-agi kan. Aṭas n twaculin i d-yettruḥun beddama n yibkan i wakken ad sεeddin kra n teswiεin nutni d warraw nsen yid-sen : ttnecraḥen mi ara asen-fken učči ; ttaṭṭafen-d yid-sen ttṣawer ; tturaren yid-sen yigerdan…atg. Meεna, leεmer xemmen ad ssisdigen amekkan-nni anda ddren kra n tsaεtin lεali nutni d yiγersiwen-agi. Mačči kan ur sseḥbabren ara fell-as, meεna kemmlen-as : ğğan lewsex nsen din. Ayen yessewhamen dakken yal wa yessḥissif imi tewweḍ twennaṭ γer uswir am wa. Γef wanect-a, dγa, i d-ihegga lwali n Tizi Uzzu yiwet n temlilit ussan-agi iεeddan anda i nudan wid teεna temsalt γef tifrat n uγbal-agi ameqqran i tettidir lwilaya n Tizi Uzzu. Ula d imḍebbren s sbiṭer n temdint, mlalen ula d nutni i wakken ad hedren u ad kemmlen deg ubrid n useḥbiber.
Hocine. M