Akka deg tmurt n Lezzayer, mmet kan. ‘’Ma tzeggel-ik tefsut, ad ak-nγen yiberdan’’. Ma ur ak-yenγi arrebrab, tenγiḍ iman-ik s temrart neγ s l’essence. Mmet kan. Deg useggas n 2009, mi tεedda Lezzayer γer teqbuct n ddunit, 24 n lmeytin i yellan deg tallit-nni. Aseggas, di&gamma,; lferḥ-nni yuγal d lğanaza : 19 n yimdanen i yemmuten. Yal wa d acu n twaγit i t-yewwin : wa d tawaγit n tenhart, wayeḍ yeḥbes wul-is mi akken yettwali timlilit-nni…atg kan amur ameqqran yeḍra-d mi i tsellek temlilit. Fγen-d yimdanen ad xedmen tameγra. Yal wa d acu n ttawil s wayes i d-yesbeggen lferḥ-is. Akka, dγa, deg Boufarek, kra n yilmeẓyen kksen-d igerdan i twaculin-nni n Mali d Nijer i yellan di temdint-a i wakken ad difilin yis-sen. Igerdan-a, ferḥen s wanect-a, meεna tiyemmatin nsen tuqelqent. Ur neẓri ara d acu ay d azamul n waya, ahat d tebrek nsen ? Si tama-nniḍen, la d-qqaren Lezzayer ad tmetel timura taεrabin deg Brasil, meḥsub Lezzayer ur tettmetil ara kan Izzayriyen am nettat am tmura-nniḍen yettmetilen cceεb-nsent. Acu kan, winna akken ṭṭfen deg Fransa, Abdelhakim Dekhar, yettmetil kan Lezzayer neγ εad tamurt n Leqbayel imi imawlan-is d Leqbayel, ur ttekint ara tmura taεrabin.
Hocine.M