Mbeεd asekcem n umawal n tmaziɣt di tilifun n ufus d usuddes n temsizzelt n tsekla Belεid at Σli d usuddes n yiggiten-nniḍen yerzan idles ; tikkelt-a tasbeddit Tiregwa teslul-d tlata n tiggaz (bourses) n tɣuri d unadi ussnan i yerzan inelmaden n yigezda n tmaziɣt : Bgayet, Tubiret akked Tizi Wezzu. Tiggaz-agi, azal-nsent 100000 n yidinaren, rzant aswir wis sin asdawan, iεeggalen n Tregwa bɣan ad ilint d tajmilt i tlata n yizumal: Muḥemmed Harun, Besεud Muḥend Aεrab d Muḥend Saεid Amlikci. I useggas asdawan 2013/2014, ajerred deg wahil-a n tiggaz ad yekfu ass n 30 unbir 2013. I zzyada n yisallen, tzemrem(t) ad twalim(t) adeg n tesbeddit Tiregwa: www. tiregwa. org ; neɣ ad sen-tarum(t) izen ɣer tansa: tasbeddit@tiregwa. org.
Mokrane Chikhi