Ur teẓrim ara kunwi
Asmi yi-d-teǧǧ ayemma
Mačči naqalint terwi
Uqmeɣ-asen ssalima
Lukan ufiɣ ad rewleɣ
Ur cukkeɣ ara a(d) yi-d-ṭṭfen
Ur bɣiɣ ara ad d-laleɣ
Semmeḥt-iyi ay iḥbiben
Zzehr-iw iffeɣ tamurt
Akken d imi yiwala
D lqibla i yerẓan tabburt
Ɣliɣ-d ar ddunit-a
(se)g ass-nni nek taḥebber
Sseḥsabeɣ deg lemḥayen
Ugadeɣ teɣzi n laamer
Semmeḥt-iyi ay iḥbiben
Nettbibi neqqar mazal
Aqlaɣ nedder tamara
Nuɣal d acu i nuɣal
La d-nettawi isefra
Zṛan-iyi d igellil
Bbwin-iyi iǧadarmiyen
Wi(n) yenɣan iman-is aḥlil
Semmeḥt-iyi ay iḥbiben
Tamurt-nni-nneɣ tenza
Tenza nukni nettrmuqul
Wi(n) iḥuzan kra iḥuza
Wayeḍ nehhren-t am weɣyul
Ǧǧan-d awal zik-nni
Ifen-anaɣ wid yemmuten
Qqareɣ-t ula d nekkini
Semmeḥtiyi ay iḥbiben
Ur ɣileɣ ara aken-id-afeɣ
D iseggasen aya tura
Mi lliɣ gar-awen ferḥeɣ
Wang ur ttruɣ ara
A(d) nini awal d amecṭuḥ
Lxir akka d asawen
Amzun ttuɣ-kun ciṭuḥ
Semmeḥt-iyi ay iḥbiben
Mohia