Imezdaɣ n taddart n Yiraḥmunen, i d-yezgan deg tɣiwant n Draɛ lgayed i ibaɛden s wazal n 60 yikilumitren ɣef usammer n lwilaya n Bgayet. Ttidiren deg tegnatin qessiḥen deg yal taɣult, acku ur sɛin ara lgaz n temdint ladɣa deg wussan-a n tegrest ideg rewwun anadi ɣef teqraɛtin n lgaz , lexsas n yiberdan akked rwaḥ n trisiti seg lwaqt ɣer wayeḍ. Rnu ɣer wannect-a, imezdaɣ n taddart-a wekkden-aɣ-d d akken uguren-a ǧǧan-ten ttidiren deg lḥif seg seld timunent ɣer wass-a, ɣas akken rwan tazla ɣer yimḍebbren maca acemma ur asen-t-id-xdimen deg tilawt. Ihi ɣef waya imezdaɣ n taddart-a gren-d tiɣri i yimḍebbren n lwilaya iwakken ad d-gren tamuɣli ɣer-sen s lɛejlan.
Bousbaine S.