Amazday adelsan n umezduɣ asdawan Aamriw n Bgayet, yexdem tameɣra meqqren ilmend n useggas amaynut n yimaziɣen 2964, akken yuɣ tannumi yal mi ara d-yelḥaq wass amenzu n wayyur n yennayer, yeqdec i wazal n Rebɛa wussan anda yexdem timzikent n tɣawsiwin tansayanin n tmetti taqbaylit d waṭas n yidlisen i yellan s tutlayt n tmaziɣt akked tefransit ama d wid yerzan amezruy neɣ wid yerzan tasekla , caɛlen ticemmaɛin deg yiḍ, radyu siti (radio citè) ideg d-meslayen waṭas n yinelmaden d yiselmaden ɣef umezruy n umenzu n yennayer seg tama, akked leqdic n umazday adelsan d wazal-is deg useḥbiber ɣef tutlayt d yidles amaziɣ, ma d ass n lḥed sɛeddan-d asaru i yellan asentel ̋ Les origins des berbères̏ , syin akkin ass n letnayen neḥḍar i usarag ɣezzifen i d-yexdem uneɣmas mass Yasin Zidan deg tzeqqa n Muḥand Uharun i yellan asentel ̋ Yennayer tradition et modérnité ̏ anda i d-yella uskasi (débat) s wazal-is, ma yella d ttlata akked larebɛa tella-d temzizelt ɣef tiram tansayin n leqbayel i d-heggant tnelmadin akked kra n yinelmaden i d-iwekkden dakken asewwi ur yerzi ara kan tulawin acku ula d irgazen snen ad sewwen, ma deg taggara fukken tameɣra-ya s tceqquft n umezgun i d-turar tarbaɛt n Sedduq i yellan asentel ̋ Zman ideg d-neggra ɣar neɣ qim ̏. Ihi, ɛlaḥsab aselway n umazday-a mass ̋ Muḥamed Belḥeddad ̏ iwekked-d dakken iswi-nsen seg leqdic-a yerza asekfel n yidles d umezruy amazigh akked useḥbiber fell-as iwakken ur yettruḥu ara.
Bousbaine S.