Tudeṛt di tɣiwant n Iɣil 3li tesmeṭ, i wakken uṛ d neqqaṛ aṛa tuɣal t ssewḥac. Imeszdaɣ n tama-agi uṛ ẓṛin anda ad eṛṛen, i wakken a cetkin ɣef liḥala i deg i ttidiṛen. Anect-a d-ayen ye3nan talwit. Ulac maḥsub yiwen w-ass anda uṛ d ttili aṛa cwal neɣ tukeṛḍa, ama deg wass am deg yiḍ.Lkif neɣ ẓeṭla texdem axessaṛ geṛ yilmeẓyen n tama-agi. Tettnuzu seddaw u qebbuḍ, tikwal 3inani. Acku ulac tamsulta aṛ iqaṛ3en anect-a! Medden ṛfan, mači d yiwen wegṛaw i xedmen mači d sin ɣef ayagi. Aselway n tɣiwant n-Iɣil 3li Mas Ǧamel Ǧul3it issuteṛ acḥal n tikkal iwakken imḍebṛen a d eṛṛen tamuɣli nsen ɣef wayen i ḍeṛṛun di tɣiwant-agi, imi ulac din tamsulta. Netta s timad-is itu3edda fella-s yiwen anebdu nni yezṛin. Ama di aqeṛṛu n tɣiwant neɣ di tuddaṛ nniḍen, azal n 15 n tuddaṛ, talwit tɣab. Yal ass imezdaɣ ttcetkin ɣef yiṛ liḥala, ɣef tukeṛḍa, tiɣṛit, lkif,…Tukeṛḍa ta3na aṭaṣ tiḥuna d yixxamen.Ɣef ayagi yenna-d yiwen umḍebaṛ n tɣiwant-agi: » Imukaṛ tteflen ɣeṛ yixxamen deg wass, deg yiḍ. Ulac yiwen wass anda uṛ ittili anect-a. Di tuddaṛ ladɣa iba3den ttawaɣit, imi ulac win aṛa i ḥudden. ». Yiwen innag-aɣ d : » Yiwet n temɣaṛt izeḍem fella-s yiwen umakuṛ ɣef elxemsa n ṣbaḥ (5h AM). Yecgugel-itt yenna yas awid tadṛimt, dɣa teqqim t ttsuɣu slan-as d lǧiṛan uzlen-d amakuṛ iṛwel! ». Wagi d amedya geṛ aṭaṣ n-imedyaten nniḍen ɣef ayen i ḍeṛṛun di tamùa-agi ittwattun. Amakken d-ifassen uṛ nettban aṛa uṛ yebɣin aṛa tamsulta attili di tɣiwant-agi. axxam n ibulisiyen (Sûreté urbaine) ibna ifuk, maca kṛen kṛa n yelmeẓyen hudden aṭaṣ dges. Yeqqim akken! Tuṛa imezdaɣ n-Iɣil 3li ctaqen talwit. Dinna llan kṛa n-iṛebuben d widak i xedmen aṣaḍuf ( La loi!). « Yiwen » uṛ izmiṛ ad imbiwel ! Ma yella tkemmel akka, imezdaɣ s taqsayen: Anda ittedu y Iɣil 3li ?
Syphax Y.