Ass-nni n 7 deg furar 2014 i d-yella usmekti wis 54 n tmettan n IMACHE Amar deg taddart n Ait Mesbah i d-yezgan deg lεerc n Wat Dwala. Leqdic-a, theyya-t-id tiddukla n taddart i yewwin isem n urgaz-a s lemεawna n twacult IMACHE akked tenmehla n yidles n Tizi Uzzu.
Aṭas n yimdanen i d-yerzan γer Wat Mesbah sbeḥ n wass n lğemεa. Gar-asen, yella uselway n useqqamu aγerfan n lwilaya, aselway n tenmehla n yidles n Tizi Uzzu, aselway n tγiwant n temnaḍt-nni, Abdennour Abdeslam d wiyaḍ. Mebεed mi ssersen tameqqunt iseğğigen γef uzekka-s, tesmekta-d twacult-is amecwar n IMACHA Amar anda i ṭṭalaben asteεref s urgaz-a imi d netta i d tigejdid n umussu aγelnaw u d netta i d-yeslulen ENA (Etoile Nord Africaine). Σlaḥsab n wid i d-yemmeslayen, nnan-d d akken deg umussu-a i d-bedren i tikelt tamezwarut azarug n Lezzayer. Maca, aṭas i yessḥasfen imi amennuγ n urgaz am wa iγellet-it Messali Hadj wehd-s. Γef wanect-a, dγa, i d-llan yisarugen deg uxxam n Mulud Mεemmri ass-nni n ssebt 8 deg furar.
Hocine.M