S anda yessaweḍ umennuɣ n tmeṭṭut bac ad tt-id-isaḥ wemkan, ad tesrifeg akken twala nettat mačči akken tebɣa tmeti n…wergaz ?
Dɣa mazal-it yella “umennuɣ n tmeṭṭut” ?
Deg yiseggasen iɛeddan (70,80,90) tbedd tmeṭṭut s lqedd-is bac ad d-ḥelli kra n yizerfan. Telḥa amecwar, sakin ilḥeq-itt-id ukabar, ijmeɛ-itt ma yella kra ara iɣellet yes-s. Tid yellan di tdukliwin, deg wennar gar tmesdurar, d tidak akk yenḥafen, uɣalent d timeɣnasin n ukabar. Amennuɣ-nnsent yuɣal d win n berzidan n uparti . Tuɣal teḍleq i ṭbel di tsenduqt n lbuṭ. Tezuzen-itt tsertit. Ikemmel-as le confort n parlement, n ḥukuma, n l’apw, n l’apc… Mi d-yelḥeq tmanya di meɣres ad d-tejbu s tjeǧǧigin s anda akken i as-d-heyyan amikru, u ad temmeslay ɣef, Kahina, Faḍma n Sumer, Bouhired… Azekka-nni, ass n 09 di meɣres, ad tuɣal ɣer confort-nni-ines. Akka ara tt-twet xuxuc ɣef yiwen yidis, aseggas kamel.D tidet, s ya ar da, ad asent-nsel i kra n “les fabrications médiatiques», ugment-d seg “féminisme ringard” yecban “La Barbe», “Femen”… Srid l’ostentatoire d wemberrez ur nemɛin d wergaz, ulac i yellan di tɛibbuṭ n les féministes-a. Tin yebran, tin yesɛan tlata n takniwin, tin i wumi yenna dadda-s “jmaɛ liman ma tkecmeḍ lakuk !», tin yettmenṭaren deg ikabariten, tin yigganen berra… Tigi akk ttraǧunt tin ara sent-yeldin allen, tin ara yessizdgen taswaɛt. Tin i icuban Eleanor Florence Rathbone. Maɛna tina “anda la-tt, anda la-tt ?”
T.Ould amar