Tazrigt tis 08 n warraz n Lmulud At Mεemmar i tzabut, id suddus yal seggas tiddukla n yiselmaden n tmaziγt n lwilaya n Tizi-Wezzu, ilmend usmekti n tmettant n wemyaru Lmulud At-Mεemmar, i tikkelt tis snat tanelmadt BELΣEBBAS Lilyan n uγarbaz amenzu Buda Muḥend Saεid n tγiwant n Wizgan n weswir wis 05, tufrar-d deg wemḍiq amenzu di temsizzelt n warraz n Lmulud At Mεemmar i tzabut, id-yellan ass n 15 di furar 2014 di tzeqqa meqren n wexxam n yedles n Lmulud At-Mεemmar n Tizi-Wezzu, anda iḥedren deqs n yinelmaden n yiγarbazen yemgaraden n lwilaya n Tizi-Wezzu, iselmaden n tmaziγt, aselway n wesqammu aγarfan n ugarzu n Tizi-Wezzu d yimawlan n yinelmaden. Lilyan BELΣEBBAS, tewwi araz amenzu ( Idlisen, Tablette tactile akked ugardas n usebγes. Γer tagara tanelmadt-agi id-yufraren deg wemḍiq amenzu tenna-d » Tanmirt-nwen mera, farḥaγ aṭas s waraz-agi u saramaγ d akken yal seggas d inelmaden n Wizgan ara d-yettufraren deg wemkan amenzu », imi yuγ lḥal ilindi d anelmad n tγiwant n Wizgan i yewwin araz-agi wagi d Ḥemmar Massin. Afud igarzen.
Islam Bessaci