Leqdic wessiεen id-hegga tmahla n yelmeẓyen d wadal n lwilaya n Tizi-Wezzu, di tagara n useggas 2013, almi d aggur n maggu 2014 id-iteddun, mazal ahil n leqdic yettkemmil deg annar akken iwata lḥal ilmend uḥareb d useḥbiber γef tezdeg n twenaḍt. Dγa tassebḥit n wass n 14 maγres 2014, γas akken ageffur d win yegten, maca tella-d yiwet n twizi uzizdeg meqren di tγiwant n Wizgan, anda i yukkan nnig n 700 n yiwiziwen i yettmetilen ixxamen n yelmeẓyen yemgaraden n lwilaya n Tizi-Wezzu, tidukliwin n twenaḍt, imḍebren n tγiwant n Wizgan d kra n yimezdaγ-is. Iswi leqdic-agi d aseḥbibar d uḥareb γef twenaḍt d wayen is-d-yezzin d tiririt n wazal d ccbaḥa i tudrin d temdinin leqbayel, d usebγes n waḥric n tezdeg. Imḍebren n tγiwant n Wizgan d wid taεna temsalt heggan-d akk tawilat iwulmen swayes qublen tiwizi. Dγa yewwi-d lḥal γef yemdanen akken ad-tekkin di leqdicat icuban wigi, imi tamsalt n tezdeg taεna yal amdan, u yewwi-d lḥal daγen akken ad-sudusen yal tikkelt tiwiziwen am tigi ad-tuγal d tannumi i yemdanen.
Islam Bessaci