Mačči d tikkelt neɣ d snat i d-tebder Magharibia-Tv, isem n Matoub Lwennas. Magharibia-agi, ɣef akken nesla, d tawacult n Abbasi Madina i tt-id-sbedden. Ayen i i banen, medden merra rran-as tamawt, tilibizyu-agi d taqubett n at ičumar. Tekkat amek ara d-ter FIS s annar n tsertit, tasertit-nni sluɣen s “mebla rebbi ncalah”. Ihi, ur teneḥcam, ur tesetḥa teskefel-d Lwennas, azamul “ur nettnuz, ur nrehen” , bac ad taɛreḍ ad teskerker tamurt n leqbayel s annar n le pneu d idamen.Ḥala i waya i wumi nesleḥ.
Ala, Win yebɣan tiḥbulin yefk nanna-s ! Nukni neẓra, werǧin ad nettu, belli d nutni i t-iḥewsen di 25 ctember 1994, uqbel ad t-nɣen di 25 yunyu 1998. Neẓra, weǧin ad nettu, belli d nutni i yesluɣen tala.
Widen akk ur nebɣi tifranin d-iteddun, recqent-d taṭucin-nnsen ɣer tmurt n leqbayel, ssaramen ad d-yeṭerḍeq waɛbar syin. ihi, d adragi sans pitié.
Lotfi Double canon (acennay-nni n rap i yuɣalen “artiste engagé” ) yemeslay-d ula d netta ɣef Matoub. Surefet-iyi ay imeɣriyen d tmeɣriyin ad d-niɣ akken yeqqar lemtel-nni n taɛrabt: “wac ǧab ṭuz li lḥemdulilah !!”. Ihi, double meḥcuca yemmeslay-d ɣef Matoub, yessemɣer di ccan-is, d ayen ur nemtil. Ad as-tiniḍ “d atmaten am iḍuḍan n ufus”. Lḥasun, sur fond de lḥemdu (yuɣal d ccix n ljameɛ) yeččekkir yeqqar drus. Ussan i iɛeddan d Chourouk i d-ibedren Lwennas. Ass-nni ɛerḍen-d Amara Benyounes, amaray amatu n MPA. Dɣa yenna-as-d umeɣnas: “walaɣ yiwet n tteswira telliḍ deg-s keč d lwennas”. Zaɛma, le grand jourlaiste-agi yufa-d un scoop. Ssert-aɣ deg laɛnaya-nnwen! Lwennas mačči nnwen!
T.Ould Amar