Aḥmed Belɛidi, umu sawalen Umerri, ilul di 25 tuber 1911 deg taddart nat ǧemɛa, ittekkin ɣer wedrum nat ḥemmu, deg udewwaṛ nat Buwaddu, di lwilaya n Tizi Wezzu. Amur ameqran di temẓi-s isɛedda-t deg taddart-is, anda iṣawe ḍ ad iseḥrured kṛad (tlata) n iseggasen deg uɣerbaz. Am netta am tezyiwin-is n tallit deg ayeg d-yekker, Umerri yella d ameksa uqbel ad yerzu ɣer Mitiǧa anda ikemmel axeddim-agi (yecrek), anda daɣen id d-ban ger wallenis tilawt n uṛumi. Deg useggas n 1930, Umerri sawlen-as-id akken ad isɛeddi laṛmi, anda yeqqim ar almi d yennayer 1934. Mi d-yeffeɣ yezweǧ. Mi yemm gma-s Chabane izenz ayla-simir yunag ɣer Fransa. Acekku, akken qaren, rewleɣ-d i takka ṣebḥeɣ-d i bu yedɣaɣen. Ula deg yinig ur yufi ara iman-is. Kra kan n iseggasen deg mi nedhen imecɛalen n ṭṛad aɣelnaw wis ssin, Umerri yettwaceggeɛ akken ad ittekki deg umennuɣ. Yettwaṭṭef sɣuṛ ilmaniyen ɣer lḥebs, acekku iṣaweḍ ad d-isemneɛ iḍuaṛṛen-is, w’ad d- yuɣal ɣer tmurt-is, Lezzayer. Dagi, mi d-yebbeḍ, yettwaḥkem fel-as, s leɣlaḍ lḥebs, maca yugi ad t-id-isɛeddi. Akken ad s yemneɛ, yebbi abrid ɣer wedrar. Umerri, deg mi d-yekker d ameẓyan, yella yettawi dderɛ-is ɣef yiɣl-is. Ixeddem ayen mu tṣawe ḍ tezmert-is akken ad yefk afus n tallelt i ymeɣban. Maci d yiwet n tikkelt, neɣ d snat i yuker imerkantiyen, ladɣa lqeyyad, akken ad iɛawen, s wayen sen-d-yekkes, tiwaculin inxeṣṣen. Lhiba-s tella ɣef yiles nyemdanen s tirni. Tilawin, akken ad sagden-t tarwa-nsen-t, ttebdaren-t-ed isem-is. Aḥmed Umerri yezga iggar-ed iman-is akken ad iɣit imeɣban, w’ad iɛawen yal win yella-n deg tegnitt n ddiq . ɣef wayagi i tḥemlen yemdanen yellan ttefren-t deg ixammen-nsen ɣef yeɛdawen yettnadin fell-as akken ad tenɣen. Akken ad s-simsen, wid t-ikerhen llan xedmen tixazabiyin samasen ɣer tarurt n Umerri, maca imdanen, tugett deg-sen, feṛqen ger uzeyzaw d uquṛan. Umerri yejme ɛ-ed acḥal n tikkal leqbayel deg tmeqbe ṛt, neɣ deg lqahwa akken ad ikkes aḥe ǧer ɣef wudem n iṛumyen. Aɣbel-is d aɣbel n watmaten-is. Aɣbel-is d iṛumyen d-yusan ad t-suɣen deg wayla
Z.T