Tagi d ttidett uṛ yezmiṛ ḥad att-inkeṛ ! Lɛaṛc n iwaqquṛen d-amedya geṛ imedyaten n tegmatt, n tikli deg webṛid n lejdud akk d wazalen n tmetti (Valeurs sociales). Iwaqquṛen d-imdanen yesnen ad d-idiṛen geṛ tatṛaṛt akk d ttjaddit. Mebla ma wwin yiwen webṛid kan, ḍefṛen-ten di sin. Akka, ẓṛan ansi id d-usan, s-anda teddun! Acku amdan, iwakken ad iwali s-anda i teddu, ilaq ad iẓeṛ ansi id yusa. Deg taddaṛt n Ṛafuṛ, iwumi ssawalen daɣen « Les toiles », imezdaɣen bnan axxam n l3arc iwaqquṛen. Din, i ttnejma3en ɣef ayen ya3nan lumuṛ akk d-iɣublan n taddaṛt-agi. Am zik, as t-ini-ḍ d ttajma3t ! Mebla ma « snesṛen » iman nsen deg tallit-agi tatṛaṛt, neɣ ad- idiṛen akk deg tallit n zik, imezdaɣen n Ṛafuṛ wwin abṛid n tegzi. Tfen deg la3wayed yelhan, yessen-t i tettcudu timetti iẓuṛan-is, tettnaṛni tagmatt akk d laḥmala geṛ-asen. Anwa igellil uṛ nečči aṛa di taddaṛt-agi? Anwa igellil i 3egden mebla aksum, neɣ iselsa imaynuten ? Anwa igellil uṛ newwi aṛa amuṛ-is n uḍella3 n ṛemḍan ? Anwa igellil yeqqimen mebla dwa neɣ uṛ yeẓṛi aṛa amejjay ? Di taddaṛt-agi n Ṛafuṛ, tagmatt mači d-awal kan. Tiwizi mazal-itt aṛ ass-a t ẓeṭ imuṛaṛ geṛ yemdanen. Timecṛeṭ, l3ada-agi i d ǧǧan lejdud s wazal-is, mazal-itt ɣeṛ iwaqquṛen tejhed, s wazal-is, s ccan-is meqṛen. Myal l3id neɣ ta3acuṛt -ula deg ussan nniḍen- aseqqamu n taddaṛt-agi i ttnejma3 iwakken ad d-issiwel iy imaṛkantiyen n l3aṛc, bac ad fken izgaṛen i tmezliwt. Aksum beṭṭun-t ɣef imezdaɣen akkit, ama d-igellil neɣ d lɣani. Yal yiwen at i d-yaweḍ umuṛ-is! Wagi d-amedya kan, newwit-id ɣef tegmatt geṛ yemdanen… »La3wayed tiqbuṛin n leqbayel uṛ ttaǧan-t aṛa igellil mebla tuččit! Neɣ taǧǧalt s waṛṛaw-is, neɣ iguǧilen. Tagmatt zik nni tella, ɣas akken yella lixṣaṣ. Tuṛa, im-iɣ d weḍ tatṛaṛt d wazalen-is imaynuten ( la modernité et ses valeurs, ndlr) tagmatt teɣli, yuli-d dɣel ! » yenna-d yiwen wemɣar n Ṛaffour.
Syfax.Y