Cheikh Nordine,
Ilul deg useggas n 1918 deg Agemmun, taddart yellan kan uqbel Larbɛa Nat Yiraten, m’ara d kkeḍ seg Azzouza, taddart n Abane Ramdane, Cheikh Nordine d yiwen ger wudmawen n yedles, amezgun d tɣamsa n teqbaylit. D netta i yebnan lsas n radio taqbaylit deg useggas n 1948. Asekcem n tutlayt n tmaziɣt deg wahil n radio, di tallit-nni, yella d tagnitt akken ad wansen tiyemmatin umu tejreḥ tassa, tid umu mmuten warraw-nsen deg ṭṛad taɣelnawt tis snat. Ur yekcim ula ɣer yiwen uɣerbaz, Cheikh Nordine yettwassen i lmend n leqdic-is deg wennar n yedles. D netta i yefkan rruḥ i lmusiqa taqbuṛt. Lukan mači d netta, tili amaṭaf n teqbaylit ur yettili ara. Cheikh Nordine, ɣef leḥsab n wayen d-eqqaren, d win yebdan cna asmi yella d ameẓyan. Yeqqen-it saɛd-is ɣer tezlitt d tɣamsa. Yebda yettwalaf leqdic-agi umu ara yefk dunnit-is, asmi ittserbi deg yiwet n ṛṛasṭuṛa deg Larbɛa Nat Yiraten. Yella yesserbay i yemdanen, ayerna icennu. Mi yeffeɣ deg taddart-is, Cheikh Nordine yebbi abrid ɣer umaṭaf n radio. Uqbel ad yaweḍ yekka-d s Cercal anda d-yemlal Mouloud Mammeri i tyettṛaǧun akken ad duklen ad d-sɛeddin l’armé. Amaṭaf n radio, yeldi deg useggas n 1948, yella d adeg d-isemlalen imedyazen d inaẓuṛen imeqṛanen n tallit-nni, gar-asen Cherifa, Slimane Azem, El Hasnaoui, Hanifa. Zyada ɣef tɣamsa d cna, yefka amur deg wakud-is i les sketchs yexdem, di tazwara, lak d Mohamed Hilmi. Ittenṭaq-iten-id s ṣṣewt n tlawin. Mi d-yemlal Sliman Azem, ameddakel ukkud ara yemzukrar aṭas n iseggasen, leqdic-is yennerna mači d kra.
D amyaru n « Allo Tricité », d-yefɣen deg useggas n 1940, Cheikh Nordine ittekka deg usaru « Les Hors-la-loi » n Tewfik Farès.
Amdan-agi yefkan ak tudert-is i wesnerni n yedles d taɣamsa taqbaylit yebbeḍ laɛfu n Ṛebbi di 2009.
Zenia T.