Anaẓur meqqren n tezlitt n teqbaylit, Lewnis At-Menguellet, yewwi-d i tikkelt niḍen amaynut, imi mbaεd 04 n yiseggasen γef asmi id-yessufaγ lalbum-is aneggaru deg useggas 2010 « Tawriqt Tacebḥant », yuγal-d s lalbum amaynut ara d-yefγen ass n 20 maggu 2014 i d-iteddun s usentel « Isefra », anda yenna:
Lemer mačči d isefraAy iḍrun yidi si lxiq Urfan ad ṣegmen lafɛa ugur ttaǧan amḍiq Mi yeččur wul yal tama (…)
Wid i iḥemlen Lewnis At-Menguellet ttrajun s ccuq meqren akken ad-yilli lalbum-agi ger ifasen-nsen.
Anwa id Lewnis?
D amedyaz, d acennay i yellan yiwen seg inaẓuren meqren i yesnarnin di ccan n tezlitt taqbaylit . Ilul ass n 17 yennayer 1950, deg taddart n Iɣil Bbwamas.Si temẓi-s yeḥmel ccna, dγa deg seggas n 1967yebda i tikkelt tamezwarut ccna. Lewnis d yiwen n wemdan i teγleb leḥya, maca yiwen n uεeggal n twacuilt-is, yefka-as tabγest akken ad-yelḥu γer zdat, wagi d Wahab Ait-Menguellet. D netta it-yewwin i tikkelt tamenzut γer tadwilt iγennayen uzekka, i d-yettεedayen deg radyu taγelnawt n teqbaylit, amaṭṭas wis 02, anda acennay meqren n tezlitt n teqbaylit Crif Xeddam yella γef lmendad n tedwilt-agi. Lewnis yecna-d tizlitt-is tamenzut iwmi isema Ma truḍ ula d nekk akter i yexdem asmi yesεa 16 n yiseggasen di laεmer-is.Aseggas mbaεd, ubayen deg seggas n 1968, yessuli netta akked yemddukal-is tarbeεt iwmi fkan isem « Imaziγen », anda i cennun deg tmeγriwin di tudrin leqbayel xarṣum di tama n Tasaft. Lḥan-d akken almi d aseggas n 1970 anda i texsi teftilt n tarbaεt-agi. Syen Lewnis iruḥ yesεeda-d lεeskkar, 06 n wagguren di lwilaya n Blida ma yella d 18 wagguren niḍen yessuliten di temnaḍt n Qesenṭina.Dγa deg asmi id-yeffaγ di lεeskkar deg seggas n 1972, Lewnis yuγal d azamul meqren nezzah n tezlitt taqbaylit, anda i yesekesles deqs n tezlatin id-yettmeslayen qef yisental yemgaraden, tayri, tasartit, tugdut, ddunit d waṭas niḍen.Deg seggas n 1980, Lewnis yuγal γer ccna amḥadi i icuden γer waṭas n temsal, amedya tanegmit n tamagit (revendication identitaire). Lewnis, yelḥa u yedda γer deqs n temnaḍin d tmura lbarani, anda i yecna di tzeγwa yemgaraden, am tzeqqa n ‘Olympia’ di Paris tamanaγt n tmurt n Fransa deg seggas n 1978, d tzeqqa n « Zénith » deg seggas n 1985, di tmurt n Canada, di temnaḍin yemgaraden l tmurt n Lzzayer. Maca anda yebγu irruḥ, ulaqrar ad-yuγal γer wedra-is, imi lbaz yeḥmel adrar-is.Deg seggasen-agi ineggura, Lewnis yesaxdam ula d aẓẓawan, imi deqs n wallalen id-yesekcem, maca azal yefka-t aṭas i tmedyazt, yeseqdac awal, yettak-as anamek, yesuffuγ-d iḥulfan-is. Lewnis d amusnaw, d amesnagay n teqbaylit, yebna taqbaylit di lsas ijahden. Yeṣṣaweḍ yesekles nnig n 200 n tezlatin.
Islam Bessaci