Yamina Mechakra d tamyarut d-urew Meskiana di tama n wawras. Tameṭṭut-agi d-yebbin deg idammen-is tayri n tsekla d yedles tella ur tettezgal ara ttuɛudat d-yettaga wexxam n yedles n temdint n Batna. Leḥmel-is ad tesqerdec isental n tseklad d wayen icudden ɣur-es. Xas akken abrid id d-ebbi di tazwara ur icud ara maḍi ɣer yedles, maca teṣṣaweḍ ad tenǧeṛ asalu ɣer wayen tḥemmel, ayen uɣuṛ yemmal wul-is, tira. Yamina Mechakra telmed tujia n tnefsit. Texdem, deg imi tekfa taɣuṛi, d tamejjayt deg tama n El Asnam (Clef n tura) deg useggas n 1982, teqqel tuɣal-ed ar almi d yiwet n taddert iqerben ɣer Meskiana, . Tacawit-agi, xas akken txeddem, acku ur tufi ara iman-is akken iwata. Tezga tettḥulfu d akken yella wacu tt-ixuṣṣen. ɣef wayagi i terra lwelha-s ɣer tsekla akken ad taččaṛ ilem-nni s wayes tettḥufu deg tudert-is. Lebɣi-is tebbeḍ-it, ayen tettnadi tufa-t. Deg useggas n 1979, Yamina Mechakra, yeṛǧan aṭas, tessufuɣ-ed ungal-is amenzu ɣer tezrigin « la SNED ». « La grotte éclatée » id azwel is-tefka. S wungal-agi s wayes itejṛeḍ isem-is deg wennar n tsekla tazzayrit s yeskilen n tṛumit, Yamina Mechakra teṣṣaweḍ ad d-semlil snat n tgejda n yedles azzayri. Yiwen d M’hamed Issiakhem id d-yedhan s ṛṣem yellan ɣef wungal. Ma d wissin, d amyaru n Nedjma, Kateb yacine, s yuran « la préface ». ɣer yidis n leqdicat nniḍen, Yamina tessufeɣ-ed ungal nniḍen yebbin azwel « Arris ». Yamina Mechakra, yewwin aqerruy-is deg igenni, akken d-tt-iweṣṣa baba-s uqbel ad yemmet, ur tuɣal ara di lemɛhda-s. Zyada ɣef leqdic-is deg weḥric n tezmert, tufa-d akud d wadeg iwulmen akken ad d-ini ayen tt-iqeyḥen, ayen tettwali deg umezru n tmurt-is, Lezzayer. Iswi-ines d tira n umezruy, xas akken maci akken ara t-yejred umazray. Deg wengal-is amenzu tbeggen-ed iḥulfan d wayen dren izzayriyen ddaw uzaglu n Fransa. Tameṭṭut-agi, yuɣalen, s leqdic-is, d yiwet ger tgejda n tsekla, tebbeḍ leɛfu n Ṛebbi deg 25 magu 2013.
Zenia Thiziri