Anebdu ikecm-d uqbel lawan, ɣas akken mazal-as agur iwakken ad ikcem s wudem unsib. D tidett, anebdu yettawi-d timeɣriwin, lferḥ d wurar. Medden ttruḥun ar lebḥar, t-ḥewisen, staɛfuyen…Maca, tallit-agi n weẓɣal, t-ttawi-d yides ayen niḍen, ur n sefraḥ ara ! Deg nebdu ttlalen-d aṭaṣ n-iɣublan, maḥsub ttuɣal-en-d myal tikkelt. Lixṣaṣ n waman lakked d timas, dayen yessagaden aṭaṣ imezdaɣ n tama n At Ɛebbas, icudden krad n tɣiwanin: Iɣil Ɛli, Bujlil d At Ṛẓin. Deg tɣiwanin-agi id yezgan nnig idurar n tiwwura (Les Bibans) yella weɣbel n waman yettaṭafen imezdaɣ kra n waguren, dayen ur nɛejeb ara i wigi ! Aman ttasen-d tikelt g smana, tikwal ulac. Myal tikkelt d-acu i d-agnu. Lebyur ( les forages) qazen imḍebren n tɣiwanin-agi ur d keffun ara, imi imezdaɣ mazal rennun-d, acku la trennu t’lalit. Lixṣaṣ-agi n waman yettdemir tiwaculin iwakken a d gren-t ifassen nsen-t ar lǧib bac a d-aɣen-t aman ! Seg waman n lɛin ar waman n La citerne, tilisa meqrit ! Lexlaṣ n waman n-iqudas ur ɣlay ara am wid n La citerne yewḍen alarmi d 1200 idinaren ! Yerna aman-is ur zedig-it ara. Yiwen ur yeẓri ansi i d-ttugmen! Ayen yessagaden daɣen imezdaɣ n tama-agi n At Ɛebbas, d-ttimas isekkaren ifassen yefren. « Necfa-d iw seggas n 2012, anda terɣa tizgi n Buni. Idurar iɣ-d yezzin uɣalen d-iberkanen…d-iɣed ! Ama d-ttizemrin, d-ttayda neɣ d-amadaɣ, kulec yerɣa. Ladɣa aẓɣal yenerna dayen kan. As-t-ini-ḍ d-ttimes i ceɛlen deg yexxamen nneɣ! Aseggas-agi, nugad ad yeḍru waya daɣen! ». Yenna-d yiwen umezdaɣ n y-Iɣil Ɛli. Tiẓgi n tama-agi, « ttzuxun » yes At Ɛebbas, imi tecbaḥ aṭaṣ, tesɛa tizegzewt lakked d lhawa yeṣfan. « T-ttejji imuḍan ar att-iwalin! » akken i qaren deg tuddar-agi. Dayen yesnuɣnayen aṭaṣ, imi tiẓgi n At Ɛebbas tenqes iseggasen-agi ineggura, fidra n timas lakked usexreb n-isekla. « Awid kan ur tt-ili-n-t ara timas anebdu-agi! » Akka i yekfa ameslay-is mas-agi.
Syphax.Y