Win i ruḥen ar taddart n Tigrin, id yezgan nnig wedrar, deg tɣiwant n Bujlil, ad yeqqim yeldi imi-s. Tahuski n taddart-agi t-seḥer aṭaṣ n yemdanen i ruḥen ɣureṣ. Qaren-d akk: » taddart-agi tecbaḥ dayen kan! ». Ihi amek? Tahuski n Tigrin tif kra n t’huski yellan deg tama-agi. Zzin-as-d idurar, netta-t deg t’lemast, am ufareẓ n t’mellalt ! Mebɛid t-ttban-d tesɛa lhiba. S yixxamen-is iqburen yessedhacen dayen kan amdan. Ladɣa as mi nekcem ar taddart-agi, neldi imi-nneɣ. Ur n-umin ara ayen ttwalin-t wallen-nneɣ. Yiwet n t’huski yiffen kra yellan ttahuski. Mači dayen ar ad iwṣef wemdan. Izenqan n taddart-agi wezzil-it. Amer ad ɛeddin sin neɣ krad n yemdanen kan. Neḍfer azniq newweḍ ar tejmaɛt. Ulac ula d yiwen. Yuɣ lḥal, imezdaɣ n taddart-agi aṭaṣ degsen yefɣen ar yiwen wemkan yeqreb, isem-is Luḍa. Dinna i bnan aṭaṣ n yexxamen imaynuten. Ma d ttaddart taqburt drus n yimezdaɣ i yeqqimen din. Ahat mraw n twaculin ? Ihi, abrid nneɣ yessiweḍ-aɣ ar tilist ger taddart d wassif n Tigrin. D yiwen yeɣẓer ur nettban lqaɛ-is. Akermus din yeṭuqet. J’maɛ liman ar zemren ad xedmen imezdaɣ-agi « lluzin » n-ukermus ! Yuɣ lḥal iseggasen-agi ineggura, akermus yuɣal yettnuzu nnig n 400 idinaren i ubidun ! Yuɣal ɛziz, imi medden uɣalen ur t-tteẓẓun ara, yerna ayen yellan qelɛen-t. Amer snen imezdaɣ n Tigrin ad ksen akermus-agi at zenzen ad-awin lfayda muqren ! Aha kan, maca iɣallen ulac…! Taddart n Tigrin d ttaddart yesɛan amezruy yefren. Aṭaṣ i yeḍran degs. Qaren-d belli tesɛa nnig n semmus leqrun, ahat kter ! « As mi llan iṭurkiyen, taddart-agi tella. Sqiṭiɛen i yiṭurkiyen yettawin lxir d naɛma seg kṣentina ar lezzayer » iɣ-d yenna yiwen umezdaɣ. Tigrin zik nni, d ttaddart anda llan-t kra n lḥirfat, am uẓeṭṭa, d lxedma n-igertilen. Tura kra daya iruḥ, yedda d yimawlan-is. As mi nezzi ɣef taddart-agi, n-ufa aṭaṣ n yexxamen iqburen yeɣlin, wiyaḍ mazal-iten bedden. Ixxamen-agi id yugran d-inagan n tallit yezrin. Awah a rebbi lukan ad ttuḥerzen i tuttwin id-ittedun, iwakken ad ẓren-t amek, d wanda dren imezwura. Ixxamen-agi d-inagan ur n laq ara ad ruḥen. D-amezruy yedren.
Syphax.Y