Tafaska tis 11 n ḥkku-d Taẓuri “Raconte-arts», s usentel Kker-t a « lexwan ma nruḥ », teldi tiwwura-s s wudem unsib tamedit n wass n 05 γuct 2014 di taddart n ugussim taγiwant n yillulen umalu, d leqdic ara yeddun γef teγzi n 08 n wussan almi d ass n 12 deg aggur ideg nella. Tafeska-agi tsuddes-itt-id tdukla n tẓuri n sinima n Tizi Wezzu, s lemɛawna n wesqamu aγerfan n ugarzu n Tizi-Wezzu, imḍebren n tγiwant n Yillulen umalu, tasqamut n taddert agussim d tidukliwin tesεa, am Tala n Tusna, Arco-Iris d Green Space d yimezdaγ n taddert-a. Tafaska agi ussand ɣur-s deqs inaẓuren, nnig n 250 i3egallen izzayriyen d wazal n 50 inaẓuren ibaraniyen idyussan di Tunes, Palistine, Surya, Lubnan, d fransa. Ahil ig ttewjarden d amesbaγur, anda llant temzikniyin yemgaraden, isaragen, isura, ticeqqufin n umezgun, timucuha, tamedyazt, ccna, timliliyin, uraren deg yiberdan akked yizenqan. Iswi n tfaska-agi d asnerni d unegmu n yidles amaziɣ akked tfriqt s umata. Tafaska-agi Ḥkku-d Tazuri, teldi tamedit n wass tiwwura-s deg webraḥ n baylek n taddert n ugussim, ayagi yella-d s leḥdur n yemḍebren n ladayra n Wizgan d tγiwant n Yillulen umalu, iγallen laman, inaẓuren n temnaḍin yemgaraden. Ḥasen Metref, i yellan γef uqaru n tfaska-agi yesfhem-d s telqey iswi n tfaska-agi i yesεan azal meqren, i wuẓẓu n tayri deg ulawen yemdanen, asebγes n tẓuri d i tudrin leqbayel, aẓeṭṭa n tegmatt ger yegduden d usbedi n tqendyar ger tmura n wager akkal.
Islam Bessaci