Timetti taqbaylit t-beddel aṭaṣ tallit-agi taneggarut. Truḥ maḥsub ur tettwaɛqal ara lakked d ttin n zik-nni. Ula d ttutlayt taɛraq, imi tudert n leqbayel tewwi abrid ur nelli dayla-s. Mebla ma yella n beder-d laɛwayed i ruḥen, llan daɣen aṭaṣ n tɣawsiwin nniḍen. Am turart. Gar zik d tura, turart ɣer igerdan temxallaf dayen kan. Tura im i d-nulfant turarin timaynutin, am « les jeux vidéo », lakked d yilellucen nniḍen, arrac imecṭaḥ n tura tɣimin kan deg yiwen wemḍiq akken ad uraren. Ur ttazalen, ur sexdamen tazmart nsen. Imi turarin-agi timaynutin ur ḥwaǧen-t ara tazla d lǧehd n tezmart. Ayagi yeǧǧa igerdan-agi ur seɛun ara tazmart, yerna ttaṭafen-ten aṭaṣ n waṭanen. Ṛnu ɣef aya, rennu-n nnig lazem deg lmizan, yaɛni ttrebin tassemt ! Deg lawan anda aqcic as mara yili meẓẓi ilaq-as ad yurar, ad t-issuf-eɣ tidi. Akka, turart n tɣimit diri-tt aṭaṣ i warrac, t-ssenqas deg tezmart nsen. Zik nni, imi ulac allalen lakked d yilellucen, igerdan ur ten-tettawi ara lqaɛa ! Ǧelliben, ttazalen, ttnaɣen gar-asen. S wanect-a i tt-rebbin tazmart, yerna ur helken ara ! Turarin n zik, aṭaṣ deg-sen-t ttwattun-t. Anda-tt tuqar, amayaf, tizizwit taderɣalt, tuqna tufra, taqajett, ileqafen, akermusd yisegni, tikerkubin, čila, d turarin nniḍen? Ur d yeqqim ula d « laxyal » nsen-t ass a! Turarin-agi n zik, ur tent-sinen ara warrac n tallit-agi nneɣ, acku imawlan nsen ur sen-d ḥekkun ara ɣef zik nni. Cfan-d wid yetturarren turarin-agi zik nni. « Akken ḥlaw-it wussan-nni ! N tturar tuqqar, am akken d le karaté n tura. Amayaf, akken yal yiwen yettali ɣef wamas n wayeḍ, neɣ tuqna tufra as mi n ttefar…Ṛuḥen wussan nni n zik. Ass-a arrac nneɣ tturaren les jeux vidéo, ur ttazalen, ur ssinen agama… ». Yenna-d yiwen n Mas.
Syphax.Y